Płakat, pryśviečany 1000-hodździu Bresta, vyklikaŭ vialikija sprečki
26 lipienia ŭ Vystavačnaj zale na vulicy Savieckaj u Breście adkryłasia vystava płakataŭ «Cześć Breść!», pryśviečanych 1000-hodździu Bresta. Aŭtary rabot — maładyja dyzajniery — studenty Akademii mastactvaŭ u Katavicach (Polšča). Płakaty kreatyŭnyja — bieraściejcy zachoplenyja. Tolki adzin z płakataŭ vyklikaŭ haračuju dyskusiju ŭ sacyjalnych sietkach. Ź jaho aŭtarkaj pahutaryŭ bieraściejski sajt natatnik.by.
Toj samy płakat da 1000-hodździa Bresta.
Niekatoryja vykazalisia rezka i niehatyŭna ŭ dačynieńni da płakata i jaho aŭtarki. Ale jość i takija, chto aceńvaje taki padychod u mastactvie pazityŭna. Mierkavańni bieraściejcaŭ padzialilisia.
Bieraściejski sajt Natatnik vyśvietliŭ u aŭtarki hetaha płakata Iany Ladvoruch (Joanna Ledworuch), što jana dumaje pra svaju pracu i takuju reakcyju na jaje.
— Čamu ty ŭziała za asnovu svajoj pracy hety pomnik?
— Ja nie byvała ŭ Breście. Šmat huhliła i kansultavałasia z vykładčykami. U pošukach natchnieńnia natyknułasia na fota hetaha pomnika. I vyrašyła «ažyvić» jaho. Hrozny vyraz tvaru abaroncy vyhladaje strašnym. Ja chacieła adaptavać jaho da siońniašniaha času, u jakim my časta kamunikujem z dapamohaj sełfi ŭ sacyjalnych sietkach.
Fota Siarhieja Hudzilina.
— Ty dumała pra toje, što ludzi ŭ Breście mohuć uspryniać hety płakat nieadnaznačna?
— Ja razumieju, što, imavierna, dla starejšaha pakaleńnia heta svajho rodu prafanacyja. Addajučy svaju pracu, ja dapuskała, što jaje mohuć navat nie vystavić u Breście. Što tyčycca interpretacyj, ja liču, što heta indyvidualna, i nie naviazvaju adzina pravilny punkt hledžańnia. Kožny maje prava ŭsprymać jak choča.
Heta pomnik. Napeŭna, kožny dzień kala jaho źbirajecca šmat turystaŭ, jakija robiać biessensoŭnyja sełfi, nie ŭśviedamlajučy sensu hetaha pomnika. Ja razumieju, što jon simvalizuje. Pytańnie ŭ tym, ci razumiejuć inšyja?
Prachodziać hady, źmianiajucca ludzi, mianiajecca ich mientalitet. Ništo nie zastajecca raniejšym. Historyja nie zaŭsiody stanovicca važnaja dla maładych ludziej. Hety fienomien zabyvańnia pra minułaje i jaho značeńnia adbyvajecca va ŭsim śviecie, u kožnaj krainie.
— Ty chacieła b pabyvać u Bieraści i ŭbačyć hety pomnik?
— Moža, kali-niebudź.
* * *
Na vystavie pradstaŭlena jašče adna praca aŭtarki. U joj jana chacieła pakazać, jak pastajannyja źmieny ŭ našaj historyi zrabili Brest takim, jakim jon jość ciapier.
Vystava budzie doŭžycca da 11 žniŭnia.
Čytajcie taksama:
Brest: što pahladzieć u biełaruskim Karfahienie ŠMAT FOTA
