MARH nie budzie pieraškadžać prychodu ŭ Biełaruś IKEA
MARH nie budzie pieraškadžać prychodu ŭ Biełaruś šviedskaha rytejlera IKEA. Pra heta paviedamiŭ pieršy namieśnik ministra antymanapolnaha rehulavańnia i handlu Artur Karpovič ŭ pres-centry BIEŁTA, adkazvajučy na pytańni žurnalistaŭ, paviedamlaje Źviazda
«Ciažka vyrašać za vytvorcu, ci budzie rytejler u nas u respublicy ci nie. Napeŭna, inviestar zaŭsiody praličvaje varyjanty, vyhadna heta jamu ci nie. Kali praličyć, što vyhadna, to pieraškod z boku ministerstva nijakich nie budzie, — skazaŭ Artur Karpovič. - Ja dumaju, što hetaje pytańnie budzie vyrašana niepasredna inviestaram».
Pieršy namieśnik ministra taksama adznačyŭ, što i ŭmoŭ pa najaŭnaści biełaruskaj pradukcyi ŭ dadzienaj sietcy ŭ vypadku jaje prychodu na biełaruski rynak taksama nichto nie stavić. «Kali heta firmovy mahazin, to nijakich umoŭ pa najaŭnaści tavaraŭ ajčynnaj vytvorčaści ŭ pryncypie nie vyłučajecca. Firmovy mahazin kirujecca svaimi praviłami», - rastłumačyŭ pieršy namieśnik ministra.
Raniej paviedamlałasia, što suśvietny hihant pa prodažy mebli i tavaraŭ dla doma - šviedskaja handlova-vytvorčaja hrupa kampanij IKEA - płanuje ŭ bližejšy hod u dva razy pavialičyć zakupki ŭ Biełarusi. Za košt hetaha ajčynnyja pradpryjemstvy majuć namier realizavać praz hetuju sietku pradukcyi na sumu prykładna 200 młn jevro.
