«Biełaruski patrabavalnyja. Madeli adzieńnia, papularnyja sioleta ŭ našych žančyn, rasijanki aceniać tolki praz hod»
Haspadynia kampanii AVILA Iryna Ćvirko sustrakaje na pradpryjemstvie. Tut jašče ciopłyja šviejnyja mašynki, jašče raskładzienyja lakała, pinžaki z budučaj vosieńskaj kalekcyi visiać na maniekienach, a ludziej niama.
«U nas siońnia pieršy dzień adpačynku. Pačatak leta akazaŭsia vielmi napružanym. My pracavali ŭ niekalki źmien, navat nie chapała svaich sił, kab spravicca z abjomami, prybiahali da aŭtsorsinhu. Adzieńnie razychodziłasia pa internet-kramach vielmi chutka, ad nas patrabavali: jašče, jašče. Ciapier karotki pieradych i budziem rychtavacca da vosieni. Tam novaja kalekcyja, novyja madeli, novyja rynki prodažu», — uvodzić Iryna Ćvirko.
Jana tut haspadynia ŭžo dziaviaty hod. Da hetaha kampanijaj kiravaŭ baćka Iryny. Tak što AVILA — biznes siamiejny.
«Ja pa adukacyi — ekanamist, ale ź dziacinstva tak ci inakš źviazanaja z adzieńniem. Byŭ pierad vačyma i prykład taty, i ŭłasnaje ŭśviedamleńnie, što chaču hetym zajmacca. Kali mnie było 22 hady, ja adkryła svaju pieršuju kramu adzieńnia. Paśla jašče adnu, i jašče. Nu a kali tata pieradaŭ u maje ruki AVILA, adčuła siabie sapraŭdnaj biznes-łedzi», — uśmichajecca Iryna.
Aviła — heta horad u Ispanii. Čamu tak nazvali kampaniju, Iryna nie viedaje, jaje baćka nabyvaŭ užo isnujučuju firmu.
«Heta było akcyjaniernaje tavarystva, ale adzieńnie jany vypuskali pad brendam «Fłaminha». Kali kiraŭnictva pierajšło da majho taty, my doŭha dumali, čamu nie iduć prodažy. Akazałasia, što «Fłaminha» tak kiepska zarekamiendavali siabie na rynku, što pakupnik intuityŭna ihnaravaŭ usio toje, što pradavałasia pad hetym brendam. Tady my admovilisia ad staroj nazvy i pakinuli AVILA. I ŭžo amal 20 hadoŭ hetaja nazva nas nie padvodzić», — raskazvaje haspadynia.
Siońnia AVILA pazicyjanuje siabie jak brend dla paśpiachovych, sučasnych žančyn, jakija ceniać praktyčnaść i jakaść. Dla tych, chto ŭpeŭnieny ŭ svaim styli i viedaje, čaho choča. AVILA — zručnaje adzieńnie na kožny dzień, a taksama šykoŭnyja viečarovyja ŭbory.
«Siońnia na biełaruskim rynku kankurencyja kałasalnaja. Kab być paśpiachovymi, niedastatkova vypuskać dziesiać bazavych madelaŭ na hod i radavacca. U nas kožny tydzień vychodzić novaja madel. My spačatku adšyvajem abmiežavanuju kolkaść, adzinak 20, kali madel stanovicca papularnaj, zapuskajem u vytvorčaść. My aryjentujemsia na madeli vialikich pamieraŭ, šyjem adzieńnie ad 42 da 66 pamieru. Samyja vialikija prodažy ŭ nas majuć rečy 52—62 pamieraŭ. Heta naša niša. I naša meta — jaje ŭtrymać», — kaža Iryna Ćvirko.
Jak? AVILA aryjentujecca na pravieranyja sposaby: prymalnyja ceny, bahaty vybar madelaŭ i koleraŭ, jakasnyja tkaniny.
«Biełaruskija žančyny nasamreč patrabavalnyja. My pradajomsia ŭ Rasii, i ja zaŭvažaju, što madeli, papularnyja sioleta ŭ biełaruskich žančyn, rasijanki aceniać tolki ŭ nastupnym siezonie. Biełaruskam važnaja jakaść, ale pa prymalnaj canie.
Tamu imkniomsia dahadzić. My šyjem svaje vyraby tolki z dobrych tkanin, i jany, na vialiki žal, nie biełaruskija. My kuplajem materyjał u Karei, Polščy, Turcyi, Kitai. Ujavicie sabie, što ŭ ich lepšaja jakaść, bolš cikavyja faktura, kolery, dyzajn, a ceny mienšyja», — tłumačyć dyrektarka.
Iryna Ćvirko razumieje, što budučynia za internet-kramami. Ličby prodažaŭ havorać sami za siabie.
«Užo siońnia abjomy prodažaŭ pamiž internet-kramami i zvyčajnymi padzialilisia prykładna 70 na 30 adsotkaŭ. Kali nam ahučyli hetyja ličby, my sami ździvilisia. Niahledziačy na toje, što šopinh dla žančyn — heta svojeasablivaja terapija, usio bolš abirajuć pakupki praź internet. Usie ceniać svoj čas. Tamu my budziem imknucca vyjści na internet-kramy za miežami Biełarusi, kab nie tolki ŭ biełarusak była mahčymaść zamović reč, jakaja spadabałasia, praź internet i mieć mahčymaść prymierać jaje pierad pakupkaj», — raskazvaje Iryna.
Iryna Ćvirko ŭpeŭnienaja, što ich pradukcyja dobra pradajecca praz anłajn-kramy, pakolki rečy pašytyja pad standartnyja pamiery.
«Kali ŭ nas na štanach ukazany pamier 52, to ja mahu harantavać, što jany idealna siaduć na žančynu, jakaja nosić 52 pamier. My vielmi pilna za hetym sočym, našy technołahi praviarajuć tkaninu, aceńvajuć, nakolki jana moža «sieści» padčas noski. Kanstruktary ŭličvajuć asablivaści tkaniny, kali stvarajuć lakała, usie ŭkazańni padrabiazna raśpisvajuć dla švačak. My sami prydumlajem madeli dla našaha adzieńnia, ale aryjentujemsia na tendencyi suśvietnaha rynku. Padhladajem, što prapanujuć u siezonie viadučyja kuciurje», — dzielicca Iryna.
Jak padtrymlivać cikaŭnaść pakupnika da brenda? Treba ŭvieś čas ździŭlać, biez hetaha nijak.
«Kali pakupnik stracić cikaŭnaść da tvajho brendu, to ŭsio, viarnuć jaho budzie vielmi ciažka. Tamu ŭvieś čas davodzicca trymać ruku na pulsie. Sačyć za navinkami, prydumlać niešta samoj, źviartać uvahu na toje, što nosiać žančyny. Zatym prynosić idei na mastackija rady, abmiarkoŭvać. Ja abažaju svaju pracu. Chacia ŭsio ž pavinna pryznacca, što ja nie dyzajnier, nie madeljer, a pradprymalnik», — kaža ŭłaśnica AVILA.
Svaju spravu biznesoŭka Iryna Ćvirko raźvivaje z Bankam Dabrabyt. Ciapier bank zapuściŭ śpiecyjalnuju prahramu padtrymki žanočaha biznesu i kredytuje mikraarhanizacyi, mały i siaredni biznes na vyhadnych umovach. Kredyt možna ŭziać na 11 hod pad 5,5% hadavych.
Vychodzić, što pry atrymańni kredytu na sumu $100 000 na 11 hod štomiesiačny płaciož z ulikam pracenta składzie $1216.
Kliknicie, kali vam cikava bolš daviedacca pra hetuju prahramu.
Darečy, Iryna adznačaje, što pracoŭnyja pytańni, jakija ŭ ich ŭźnikajuć u roznych pracesach, pradstaŭniki banka vyrašajuć vielmi apieratyŭna.
«Supracoŭnictva z Bankam Dabrabyt — heta dobraja zvyčka našaj firmy, što zachoŭvajecca hadami. My ž, u svaju čarhu, chočam być dobraj zvyčkaj dla biełaruskich žančyn», — padsumoŭvaje Iryna.
Čytajcie historyi biełaruskich biznesovak:
Stvaralnica brenda žanočaj bializny — supracoŭnikam: Kali ŭ vas drenny nastroj, nie prychodźcie na pracu
Raspaviadajem, jak pracuje ŭ Biełarusi kaśmietałahičny biznes, dzie popyt našmat pieravyšaje prapanovu
