U Hrodzienskaj vobłaści aŭtamabil źbiŭ naśmierć viełasipiedystku. Kab znajści kiroŭcu, u niekalkich rajonach uviali płan «Pierachop»
Zdareńnie adbyłosia kala 18.00 na 8 km aŭtadarohi Voranava — Navijanka (kala v. Kavaleŭščyna Voranaŭskaha rajona). Aŭtamabil źbiŭ naśmierć 58-hadovuju viełasipiedystku, jakaja jechała ŭ spadarožnym napramku. Kiroŭca ŭciok ź miesca zdareńnia, paviedamlaje telehram-kanał MUS.
Dla vyśviatleńnia miescaznachodžańnia aŭtamabila ŭ niekalkich rajonach uvodziŭsia płan «Pierachop». Na miesca zdareńnia nieadkładna vyjechali supracoŭniki DAI i śledča-apieratyŭnaja hrupa.
Litaralna na praciahu hadziny paśla DTZ na abjaznoj darozie kala pasiołka Voranava aŭtamabil byŭ znojdzieny: kiroŭca kinuŭ jaho na STA i źbieh.
Paźniej pravaachoŭniki znajšli i mierkavanaha vinavataha avaryi. Im akazaŭsia 36-hadovy žychar adnoj ź viosak, u jakoha mielisia prykmiety ałkaholnaha apjanieńnia.
Milicyja nahadvaje, što siońnia heta ŭžo druhoje śmiarotnaje DTZ z udziełam viełasipiedystak i źviartaje ŭvahu da ŭsich udzielnikaŭ darožnaha ruchu: być vielmi ŭvažlivymi na darohach krainy. Pamiatajecie, što ad vas zaležyć žyćcio i los inšych ludziej
