Łukašenka paabiacaŭ viarnucca na Vałaam ź siakieraj i kasoj FOTY
Alaksandr Łukašenka paabiacaŭ viarnucca na Vałaam «ź piłoj, ź siakieraj i z kasoj». Pra heta jon skazaŭ u hutarcy sa śviatarami rasijskaha manastyra.
Pavodle słoŭ Łukašenki, pajezdka na Vałaam ź sielskahaspadarčymi pryładami nieabchodnaja dla taho, kab pahladzieć, jak tam viadziecca haspadarka. Śviatary ŭ adkaz zajavili, što buduć rady bačyć biełaruskaha lidara. Akramia taho, Łukašenka, pakazvajučy na svajho rasijskaha kalehu Uładzimira Pucina, adznačyŭ, što rady tamu, što «pieršy raz pryjechaŭ siudy ŭ kampanii svajho siabra».
Na Vałaamie Łukašenka i Pucin ahledzieli terytoryju manastyra i naviedali asnoŭny chram manastyrskaha kompleksu. Łukašenku ŭ pajezdcy supravadžaje jaho syn Kola, jany razam zapalili śviečki kala abraza Vałaamskaj Božaj Maci.
