«Viačerni Mahiloŭ» vydaliŭ z sajta materyjały da rašeńnia suda
Z sajta «Viačerniaha Mahilova» źnikli dva materyjały — «Liryčnych pačućciaŭ naciahnutyja struny» i «Uva što vylivajecca nieciarpimaść da vyčvarencaŭ». Raniej ekśpiertnaja kamisija pry Ministerstvie infarmacyi znajšła prykmiety ekstremizmu ŭ hetych artykułach.
Na asnovie rašeńnia kamisii Leninski RAUS pačaŭ administracyjny praces u dačynieńni da haziety pa artykule 17.11 KaAP. 8 lipienia adbyłosia pieršaje pasiedžańnie.
Jak adznačaje pravaabaronca Alaksandr Burakoŭ, materyjały zastavalisia na sajcie doŭhi čas paśla taho, jak stała viadoma pra pretenzii Ministerstva infarmacyi da haziety.
U materyjale «U va što vylivajecca nieciarpimaść da vyčvarencaŭ» aŭtar Alaksandr S. škadavaŭ ab žorstkim prysudzie dla čałavieka, jaki źbiŭ hieja, aŭtar taksama pryraŭniaŭ ŁHBT da piedafiłaŭ.
U artykule «Liryčnych pačućciaŭ naciahnutyja struny» hetaha ž aŭtara z raspaviadajecca historyja źbićcia hieja ŭ Słaŭharadskim rajonie.
Na hety momant pa elektronnych adrasach, dzie raniej byli raźmieščany artykuły, zastałasia tolki forma dla kamientaroŭ. Teksty dastupnyja ŭ kešy veb-archiva.