Pucina zacikaviła ideja Zialenskaha pra sustreču kiraŭnikoŭ šaści krain u Minsku
Prezident Rasii Uładzimir Pucin nazvaŭ cikavaj ideju ŭkrainskaha lidara Uładzimira Zialenskaha pra sustreču ŭ Minsku z udziełam pradstaŭnikoŭ šaści krain: Rasii, Ukrainy, Hiermanii, Francyi, Vialikabrytanii i ZŠA, piša RBK.
«Heta moža być cikava», — adznačyŭ Pucin.
«My nikoli nie admaŭlalisia ni ad adnaho z prapanavanych farmataŭ, u tym liku ad pašyreńnia narmandskaha farmatu», — skazaŭ Pucin.
«Ale, pa-pieršaje, hety narmandski farmat i sustreča na vyšejšym uzroŭni pavinny być dobra padrychtavany, heta vidavočnaja reč», — skazaŭ jon. «Pa-druhoje, bolš-mienš pra niešta možna budzie kazać paśla kančatkovaha farmiravańnia novaha ŭrada Ukrainy i praviadzieńnia vybaraŭ u parłamient krainy», — praciahnuŭ prezident Rasii.
«Pa-treciaje, ja nie viedaju, jak reahujuć [na hetaje zaprašeńnie] inšyja ŭdzielniki prapanavanaha farmatu», — dadaŭ Pucin.
