Biełaruskija VNU pavysili košty navučańnia
Niekatoryja biełaruskija VNU raźmiaścili na svaich sajtach košt navučańnia ŭ 2019/2020 navučalnym hodzie. U ich liku Biełaruski nacyjanalny techničny ŭniviersitet, Biełaruski dziaržaŭny ekanamičny ŭniviersitet, Akademija kiravańnia pry Prezidencie, Biełaruski dziaržaŭny piedahahičny ŭniviersitet imia M.Tanka, paviedamlaje BiełTA.
Tak, u BNTU košt navučańnia na pieršym kursie vahajecca ŭ zaležnaści ad śpiecyjalnaści ad 3380 da 3605 rubloŭ za hod. Na sajcie VNU pakul niama infarmacyi ab rascenkach dla studentaŭ astatnich kursaŭ.
U BDEU niezaležna ad śpiecyjalnaści pieršakurśnikam daviadziecca apłacić 2564 rubli, studentam druhich-čaćviortych kursaŭ — Br2463 rubli, piacikurśnikam — 1092 rubli za hod.
U Akademii kiravańnia «ceńnik» adzin na ŭsich studentaŭ — 3,2 tysiačy rubloŭ.
U BDPU košt na śpiecyjalnaściach z vyvučeńniem zamiežnaj movy varjirujecca ad 1966 dla vypusknoha kursa da 2666 rubloŭ dla pieršaha. Daražej za ŭsio abydziecca navučańnie dla studentaŭ-pieršakurśnikaŭ, jakija vybieruć śpiecyjalnaści «muzyčnaje mastactva, rytmika i chareahrafija», «muzyčnaje mastactva i suśvietnaja mastackaja kultura» — 2,8 tysiačy rubloŭ.
