Trampu praz sud zabaranili błakavać karystalnikaŭ u Twitter
Prezident ZŠA Tramp parušyŭ pieršuju papraŭku Kanstytucyi ZŠA, zabłakavaŭšy svaich krytykaŭ u tvitary, pastanaviŭ fiederalny apielacyjny sud, paviedamlaje The Verge.
Niekalki karystalnikaŭ Twitter, jakija byli zabłakavanyja Trampam, padali pazoŭ u 2017 hodzie, śćviardžajučy, što ich kanstytucyjnaje prava ŭzajemadziejničać z aficyjnymi asobami ŭ publičnaj prastory parušyłasia.
Sprečka pierarasła ŭ toje, ci źjaŭlajecca ulikovy zapis Trampa, jakim jon kiravaŭ da taho, jak stać prezidentam, pa-raniejšamu pryvatnym ci aficyjnym ulikovym zapisam, i ci byŭ tvitar stvorany dla publičnych vystupaŭ. Letaś sud nižejšaj instancyi pastanaviŭ, što Tramp vykarystaŭ hety ŭlikovy zapis aficyjna i što błakavańnie karystalnikaŭ było niekanstytucyjnym abmiežavańniem na svabodu słova.
Bieły dom padaŭ apielacyju, ale rašeńnie apielacyjnaha suda pakazała, što rašeńnie nižejšaha suda było pravilnym.
