Alimpijski pryzior pa płavańni vyratavaŭ tonučaha čałavieka
Fota ź Vikipiedyi
Italjanski płyviec Filipa Mańjini vyratavaŭ tonučaha mužčynu la bierahoŭ Sardzinii. Pra heta paviedamlaje «Bi-Bi-Si».
45-hadovy turyst znachodziŭsia na nadzimanaj łodcy. Mužčyna straciŭ raŭnavahu i ŭpaŭ. Z-za nizkaj tempieratury vady jon byŭ nie ŭ siłach utrymacca na vadzie.
Siabry paciarpiełaha pačali klikać na dapamohu ratavalnikaŭ. Ale bližej za ŭsich da miesca zdareńnia apynuŭsia 37-hadovy Mańjini. Płyviec kinuŭsia ŭ vadu i vyratavaŭ tapielca. Jaho dastavili ŭ adnu ź miascovych balnic.
«Kali ja dabraŭsia da jaho, jon navat nie moh havaryć. Padniać jaho nazad na łodku było nialohka», — adznačyŭ Mańjini. Jon taksama dadaŭ, što zrabiŭ toje, što pavinien byŭ zrabić.
Mańjini — bronzavy pryzior Alimpijady-2004. Jon čatyry razy stanaviŭsia čempijonam śvietu i 17 razoŭ pieramahaŭ na pieršynstvie Jeŭropy.