U centry Minska źjaviłasia pryhožaja parasonavaja aleja FOTY, VIDEA
U noč na 9 lipienia na šmatpakutnaj ad daždžu vulicy Kamsamolskaj źjaviłasia 140 roznakalarovych parasonaŭ. Raniej minčuki pryvozili fatahrafii z mnostvam parasonaŭ ź Lisabona abo Barsiełony, ale ciapier pa jarkija sełfi daloka jeździć nie treba. Abnoŭleny ŭčastak «piešachodki» atrymaŭ nieaficyjnuju nazvu «Kamfortnaja aleja».
U paniadziełak minčuki źviarnuli ŭvahu na novuju mietaličnuju kanstrukcyju. Idei nakont jaje pryznačeńnia hučali samyja roznyja. Kanał «Čaj z malinavym vareńniem» iranična paraŭnaŭ karkas z kupałam čarnobylskaha reaktara. Sapraŭdnaja ž meta instalacyi — družalubnaja i pazityŭnaja.
Kanstrukcyja niemałaja: 32 mietry ŭ daŭžyniu i amal 6 u šyryniu.
Sa stvareńniem takoj alei Biełaruś dałučyłasia da Umbrella Sky Project — akcyi, u miežach jakoj vulicy ź dziasiatkami parasonaŭ źjaŭlajucca pa ŭsioj Jeŭropie: Lisabon, Barsiełona, Viena, Kijeŭ, Sankt-Pieciarburh.
Prajekt ažyćciaviła kampanija velcom | A1. Sioleta brend pieratvarajecca z velcom u A1, mianiaje i firmovyja kolery: z žoŭtaj hamy — u bieła-čyrvonuju. Tamu i parasonavaja kampazicyja składajecca z troch farbaŭ.
Vulica Kamsamolskaja ŭ histaryčnym centry — adna ź niešmatlikich piešachodnych zon u Minsku. Tut šyrokaja prastora dla prahułak, mnostva łavak, jakija źmiaščajuć bolš za dźvieście čałaviek, viečarovaje aśviatleńnie z hirlandaŭ i lichtaroŭ pad daŭninu. Jak na luboj piešachodcy, tut jość kaviarni i suvienirnyja kramy. Kałaryt vulicy dadajuć nievysokija budynki 19 stahodździa i vialiki hadzińnik sa staradaŭnim miechanizmam na skryžavańni z druhoj piešachodnaj vulicaj — Revalucyjnaj.
Usie fotazdymki, zroblenyja na biełaruskaj parasonavaj alei inicyjatary prajekta prapanujuć adznačać chešteham #komfortnajaalleja.