Ministr sportu zajaviŭ, što na Jeŭrapiejskija hulni pryjechali 35 tysiač zamiežnikaŭ
Na spabornictvy II Jeŭrapiejskich hulniaŭ — 2019 u Minsku było pradadziena 213 tys. biletaŭ, zajaviŭ ministr sportu i turyzmu Siarhiej Kavalčuk u intervju «Biełaruś 1», paviedamlaje BiełTA.
«Z 213 tys. pradadzienych biletaŭ 12,7 tys. było pradadziena dla zamiežnych turystaŭ. I byli zaprošany roznymi hramadskimi arhanizacyjami jašče kala 7 tys. zamiežnych pradstaŭnikoŭ dla ŭdziełu ŭ spabornictvach», - skazaŭ Siarhiej Kavalčuk.
Akramia taho, apieratary arhanizavali tury ŭ Minsk padčas II Jeŭrapiejskich hulniaŭ jašče dla 15 tys. zamiežnych haściej. «Heta my nie biarem haściej ź blizkaha zamiežža - Rasii, Ukrainy, Kazachstana. Byli turysty z Kitaja. My siońnia bačym aficyjnuju ličbu - 35 tys. turystaŭ. Heta biez uliku tych ludziej, jakija pryjazdžali ŭ krainu sami», - adznačyŭ ministr.
