Zołatavalutnyja reziervy vyraśli za červień na $200 miljonaŭ dziakujučy rostu cany na zołata
Mižnarodnyja reziervovyja aktyvy iełarusi na 1 lipienia skłali 8 290,7 młn. dalaraŭ ZŠA (u ekvivalencie). Za červień jany vyraśli na 200,7 młn. dołaraŭ ZŠA (na 2,5%) paśla rostu ŭ mai na 521,6 młn. dalaraŭ ZŠA (na 6,9 pracenta), paviedamlaje pres-słužba Nacbanka.
U červieni ŭradam i Nacbankam vykanana źniešnich i ŭnutranych abaviazacielstvaŭ u zamiežnaj valucie na sumu kala 250 młn. dalaraŭ ZŠA.
Asnoŭnym faktaram rostu ŭzroŭniu zołatavalutnych reziervaŭ u červieni stała pavyšeńnie cany zołata na mižnarodnym rynku.
Taksama pavieličeńniu reziervaŭ spryjali pakupka zamiežnaj valuty Nacbankam na tarhach, pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty, i pastupleńnie srodkaŭ ad prodažu Nacyjanalnym bankam i Ministerstvam finansaŭ ablihacyj, naminiravanych u zamiežnaj valucie. Akramia taho, z 1 lipienia 2019 hoda aktualizavana mietadałohija raźliku zołatavalutnych reziervaŭ, što abumoviła rost pakazčyka na 70 młn. dalaraŭ ZŠA.