Čarhovaje biełaruskaje kłasika i novy šaniec dla Hurenki pieramahčy BATE. Intryhi nastupnaha tura čempijanatu
Razam z Bukmiekierskaj kantoraj Marafon praciahvajem sačyć za vyšejšaj lihaj, jakaja nabližajecca da svajho ekvatara. U pieradapošnim tury pieršaha kruha nas čakaje biełaruskaje «kłasika».
Ale pierad tym, jak pierajści da piatnična-niadzielnych matčaŭ, treba koratka prabiehčysia pa cikavostkach minułaha tura.
Jon akazaŭsia niebahatym na siensacyi, ale bahatym na hały. Samy viasioły matč zhulali ŭ Žodzinie, dzie «Tarpieda-BiełAZ» tolki ŭ dadadzieny čas vyratavaŭsia ad parazy ŭ hulni z «Enierhietykam-BDU». Minčuki vydali čarhovy viasioły matč, zabili trojčy, ale dla pieramohi hetaha nie chapiła — ničyja 3:3.
Try matčy z vaśmi skončylisia razhromami: «Nioman» paśla piaci paraz pieramoh minskaje «Tarpieda» (3:0), BATE davoli prosta razabraŭsia z «Viciebskam» (3:0), a bresckaje «Dynama» źmiała bojkuju «Isłač» ź likam 5:1 i praciahnuła svajo lidarskaje šeście ŭ tablicy.
Arciom Mileŭski zabiŭ «Isłačy» svoj pieršy hoł u čempijanacie. Fota: FK «Dynama-Brest».
Z astatnich vynikaŭ adznačym minimalnuju pieramohu «Haradziei» ŭ «cukrovym derbi» i čarhovuju biazvolnuju parazu «Homiela» — kamanda zabivaje na ŭzroŭni lidaraŭ, ale praz słabuju abaronu žyvie na samym dnie tablicy.
A voś ciapier možna pierajści da padziej nastupnaha tura!
«Dynama-Minsk» — BATE
- 05.07, 18:45. Minsk, stadyjon «Traktar»
- Kaeficyjenty: «Dynama» (pieramoha) — 4.45; ničyja — 3.30; BATE (pieramoha) — 1.85
Jość mierkavańnie, što kłasika hublaje svoj status. Siońnia «Dynama» zaniataje ŭnutranymi prablemami, a ŭ BATE sioleta inšyja kankurenty za čempijonstva.
Ale, jak by toje ni było, u piatnicu amataraŭ biełaruskaha futbołu čakaje adzin z hałoŭnych matčaŭ čempijanatu. Piercu dadaje toje, što Siarhiej Hurenka nikoli nie pieramahaŭ u BATE.
Prahnoz «NN»: BATE pieramoža.
«Tarpieda-BiełAZ» — «Dniapro»
- 05.07, 20:45. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.40; ničyja — 4.40; «Dniapro» (pieramoha) — 7.80
Strata bałaŭ u hulni z «Enierhietykam-BDU» kaštavała žodzincam čaćviortaha radka.
Jość niebłahi šaniec na jaho viarnucca. Treba čakać niaŭdałaha vyniku ŭ pieršaj hulni tura dla minskaha «Dynama» i pieramahać u mahiloŭcaŭ.
Prahnoz «NN»: pieramoha «Tarpieda».
«Enierhietyk-BDU» — «Nioman»
- 06.07, 17:00. Minsk, stadyjon RCAR-BDU
- Kaeficyjenty: «Enierhietyk-BDU» (pieramoha) — 2.63; ničyja — 3.28; «Nioman» (pieramoha) — 2.60
Druhi zapar vyjezd u Minsk dla «Niomana». Pieršy skončyŭsia paśpiachova, ale ciapier u supiernikach nie panyłaje «Tarpieda», a viasioły «Enierhietyk-BDU».
Fota: FK «Enierhietyk-BDU»
Čornaja sieryja haradziencaŭ mocna paŭpłyvała na ich turnirnyja ambicyi, ale jašče nie ŭsio stračana. Kab viarnucca ŭ pieršuju pałovu tablicy, treba pieramahać, ale zrabić heta budzie niaprosta.
Prahnoz «NN»: totał bolšy za 2,5.
«Šachcior» — «Minsk»
- 06.07, 18:45. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.24; ničyja — 5.50; «Minsk» (pieramoha) — 12.25
U troch apošnich turach «Minsk» zdabyŭ dźvie pieramohi i ŭskočyŭ sa dna tablicy ažno na adzinaccaty radok.
«Šachcioru» było vielmi składana ŭ Mazyry, ale ŭsio vyrašyŭ Mikałaj Januš, jaki staŭ u hetym siezonie sapraŭdnym džokieram kamandy — u kancy hulni forvard zabiŭ svoj piaty miač u čempijanacie (čatyry ź jakich akazvalisia pieramožnymi) i vyrašyŭ sychod na karyść salihorcaŭ.
Mikałaj Januš. Fota: FK «Šachcior».
Prahnoz «NN»: pieramoha «Šachciora».
«Viciebsk» — «Dynama-Brest»
- 06.07, 20:45. ASK «Viciebski»
- Kaeficyjenty: «Viciebsk» (pieramoha) — 7.00; ničyja — 4.05; «Dynama» (pieramoha) — 1.47
Viciebčuki apošni raz pieramahali ŭ bieraściejcaŭ u lipieni 2016 hoda — paśla hetaha «Viciebsk» zmoh zdabyć tolki adnu ničyju ŭ piaci matčach.
Sioleta pierarvać hetu sieryju budzie amal niemahčyma — jašče nichto ŭ «Dynama» sioleta nie vyjhravaŭ.
Prahnoz «NN»: pieramoha «Dynama».
«Isłač» — «Słavija»
- 07.07, 16:00. Stadyjon FK «Minsk»
- Kaeficyjenty: «Isłač» (pieramoha) — 1.94; ničyja — 3.36; «Słavija» (pieramoha) — 3.90
Jak zaŭvažyli žurnalisty, «Isłačy» niama roŭnych u hetym siezonie ŭ matčach na sintetycy — usiaho adna paraza. A na naturalnym hazonie kamanda Vitala Žukoŭskaha hladzicca nie tak pierakanaŭča.
U niadzielu «vaŭki» prymajuć «Słaviju» na štučnym hazonie rodnaha «Kamvolščyka», i, zdajecca, z favarytam matča ŭsio jasna. Ale ci akryjała «Isłač» paśla razhromu ŭ Breście?
Prahnoz «NN»: totał bolšy za 2,5.
«Słuck» — «Tarpieda-Minsk»
- 07.07, 18:00. Słuck, stadyjon «Haradski»
- Kaeficyjenty: «Słuck» (pieramoha) — 1.97; ničyja — 3.28; «Tarpieda» (pieramoha) — 3.88
Abiedźvie kamandy jaŭna ź nieciarpieńniem čakajuć mižkruhavoj paŭzy, kab pasprabavać uzmacnić kamandu i vypravić turnirnaje stanovišča. U «Tarpieda» prosta katastrofa ŭ atacy, u «Słucka» hałoŭnaja prablema — heta abarona, ale i ŭ atacy biada: na rachunku naminalnych forvardaŭ 0 zabitych miačoŭ.
Minułaj vosieńniu «Tarpieda» davoli lohka razhramiła «Słuck» u haściach, zabiŭšy ažno čatyry miačy. Sioleta «aŭtazavodcy» nie zabili stolki za cełych 13 matčaŭ, tamu, zdajecca, varta čakać davoli panyłaj hulni.
Prahnoz «NN»: totał mienšy za 2,5.
«Homiel» — «Haradzieja»
- 07.07, 19:45. Homiel, stadyjon «Centralny»
- Kaeficyjenty: «Homiel» (pieramoha) — 2.375; ničyja — 3.18; «Haradzieja» (pieramoha) — 2.99
Aleh Raduška paśpiachova startavaŭ u jakaści koŭča «Haradziei» — ź pieramohi ŭ «cukrovym derbi», dziakujučy jakoj kamanda ź Niaśvižčyny zaskočyła na siomy radok tablicy.
«Homiel» nie pieramahaje ŭžo dziesiać (!) turaŭ. Trenier kamandy Alaksiej Miarkułaŭ narakaje na słabuju abaronu i kaža, što jamu soramna pierad napadajučymi, jakija dobra robiać svaju spravu, ale abaroncy ŭsio psujuć.
U internecie trenier «Homiela» ŭžo stanovicca miemam:
Prahnoz «NN»: «Haradzieja» nie prajhraje.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!