Kiraŭnik SK prakamientavaŭ nadzvyčajnaje zdareńnie padčas salutu ŭ Minsku: Asnoŭnaja viersija — niajakasnyja fiejervierki
Kiraŭnik Śledčaha kamiteta Ivan Naskievič prakamientavaŭ zdareńnie padčas salutu ŭ Minsku, u vyniku čaho zahinuła 64-hadovaja žančyna i 10 čałaviek paciarpieli. Jon adznačyŭ, što ŭsie ranieńni hledačy atrymali «pa-za miežami vyznačanaha pierymietra». Pra heta jon raspavioŭ u efiry ANT.
«Vypadak vyklučny, raniej takich situacyj nie fiksavałasia, - adznačyŭ I. Naskievič. — U jakaści asnoŭnaj razhladajecca viersija, što fiejervieračnyja vyraby byli niajakasnymi, rasijskaj vytvorčaści. Ustanoŭlena, što vykarystoŭvalisia marciry troch kalibraŭ — 105, 195 i 310 mm. Niaštatnaja situacyja ŭźnikła z marcirami kalibra 195. Pierymietr biaśpieki byŭ vyznačany dla štatnaj situacyi. Toje, što adbyłosia, vyjšła za ramki takich situacyj, usie ranieńni hramadzianam byli naniesieny pa-za miežami vyznačanaha pierymietra, praličyć raźlot u vypadku ŭźniknieńnia niaštatnaj situacyi praktyčna niemahčyma».
