Zarady, jakija vykarystoŭvali padčas salutu 3 lipienia, zrobleny ŭ Rasii
Kamientavać vypadak sa śmiarotnym zychodam i niekalkimi paciarpiełymi žurnalistam Radyjo Svaboda ŭ kampanii «Pira-Ros», jakaja vyrablaje i pradaje fiejervierki, admovilisia.
Biełaruskaje vydańnie Office Life raniej dazvaniłasia ŭ kampaniju. Tam paćvierdzili, što supracoŭničajuć ź Ministerstvam abarony Biełarusi nie pieršy hod. Pavodle pradstaŭnika kampanii, jany pastavili ŭ Minsk zarady rasijskaj vytvorčaści z partyi 2017 hoda. Suma pastavak adnolkavaja štohod — kala 20 miljonaŭ rasijskich rubloŭ. Heta bolš za 600 tysiač biełaruskich rubloŭ. Taksama paviedamlajecca, što pradstaŭniki kampanii ŭžo znachodziacca ŭ Minsku.
Kampanija vyrablaje abstalavańnie dla salutaŭ i fiejervierkaŭ z 1994 hoda.
Pavodle pres-sakratara Minabarony Uładzimira Makarava, «salutnyja ŭstanoŭki ŭ Biełarusi nie vypuskajucca».
«Samaja poŭnaja infarmacyja budzie dadziena vajskovym viedamstvam, kali ŭsio vyśvietlicca», — skazaŭ jon.