Sabrali ŭ sekand-chendzie 5 vobrazaŭ pa apošnich trendach
Palaŭničyja na ŭnikalnyja rečy nikoli nie abminajuć sekand-chendy — tam možna adšukać cikavyja abnoŭki pa nievialikim košcie. A ci ŭdasca adziecca ŭ sekandzie pa apošnich trendach? «Naša Nina» pahladzieła pakazy viadomych dyzajnieraŭ i pasprabavała sabrać modnyja vobrazy.
Pad fota možna ŭbačyć, što kolki kaštavała, a ŭ kancy — prahałasavać za kamplekt, jaki atrymaŭsia najbolš udałym.
Sukienka kraše
Bieły top — 6 rub., ružovaja sukienka - 15,60 rub., kłatč — 18 rub., abutak — 9 rub. Ahulny košt vobraza — 48,60 rub.
Ažurnaja viazka kručkom milhała na pakazach u Chloé i Oscar de la Renta. Hetaja sukienka — ź imitacyjaj placieńnia kraše (z sapraŭdnym kaštavała b šalonych hrošaj — ručnaja praca jak-nijak). Nieonavy ružovy koler taksama ŭ trendzie. Dapaŭniajem vobraz kłatčam z karunkami i abutkam na plecienaj padešvie (zastałosia tolki znajści novyja matuzki dla jaho) — i možna iści na špacyr pa letnim horadzie.
Karaleŭskaja parča
Sukienka — 21 rub., sumka — 39 rub., tufli — 35 rub. Ahulny košt vobraza — 95 rub.
Tkanina, jakuju lubili karaleŭskija asoby, znoŭ pryjšłasia daspadoby dyzajnieram. Nie budziem supiarečyć! Dla štodzionnaha vobrazu parča zanadta pafasnaja, a voś dla viačerniaha vychadu moža padyści. Pad sukienku znajšli tufli ź mietaličnym blaskam na šyrokim abcasie — takija lohka mahli b źjavicca ŭ novaj kalekcyi Zara.
Źmiainyja lehinsy i karotki top
Pinžak — 22 rub, top — 6 rub, lehinsy — 7 rub., sumka — 32 rub., łodački — 35 rub. Ahulny košt vobraza — 102 rub.
Animalistyčnyja prynty — zaŭsiody sprečny trend. Ale my vyrašyli ryzyknuć i vybrali štany a-la skura pitona (heta modna, prosta paviercie). Vierch — karotki spartyŭny top i pinžak (uziali bieły, bo heta adzin z hałoŭnych koleraŭ biahučaha siezonu). Sumačka — kłasičny fason ad Šanel.
Etnika
Kasucha — 35 rub., spadnica — 14 rub., majka — 12 rub., basanožki — 38 rub. Ahulny košt vobraza — 99 rub.
Etničnyja matyvy zaraz vielmi aktualnyja. Tamu šukajcie rečy ź jarkim arnamientam. A jašče dyzajniery prapanujuć nasić ekstremalna karotkija spadnicy. Pryvitańnie vam z mody nulavych!
Haroch i «varonki»
Top — 5 rub., džynsy — 79 rub. (nie, my nie pamylilisia), kłatč — 22 rub., basanožki — 21 rub. Ahulny košt vobraza — 127 rub.
U liku trendaŭ — varanyja džynsy z 1980-ch i ramantyčny haroch. My vybrali kłasičny čorna-bieły prynt, ale inšyja varyjacyi taksama vitajucca. Zamšavyja basanožki — modnaha ciopła-karyčnievaha koleru (Instytut koleru Pantone nazyvaje heta adcieńnie «tofi»).
{POLL#872}
