U Hrodnie stvaryli niezvyčajnaje hrafici z 450-hadovaj hraviuraj FOTA
Na ścianie horadzienskaj himnazii № 10 źjaviłasia hraviura Johana Adelhaŭzera i Matyjasa Ciunta z panaramaj Horadni. Ličycca, što heta była pieršaja praŭdzivaja vyjava horada, piša radyjo «Svaboda».
Na hraviury vidać Fara Vitaŭta, Stary zamak, Kałoskaja carkva, jakimi jany byli 450 hadoŭ tamu, pierad samaj Lublinskaj unijaj.
Vyjavu robiać mastaki z kampanii Zadelo.
U mienšym maštabie kopii hraviury jość i na inšych horadzienskich budynkach, prykładam, na kramie «Batoryja» nasuprać Savieckaj płoščy.
Horadzienskija aktyvisty prapanujuć zrabić hraviuru Ciunta brendam horada.
***
Upieršyniu hraviura «Vera designatio urbis in Littavia Grodnae» (Sapraŭdnaje apisańnie horada Hrodna ŭ Litvie) była vykanana Macijasam Ciuntam (Matthias Zündt) u 1568 hodzie pa malunku Hansa Adelhaŭziera, jaki toj zrabiŭ u lipieni 1567 hoda, kali ŭ Hrodna pryjechali ažno čatyry pasolstvy: maskoŭskaje, tatarskaje, tureckaje i vałašskaje. Na hraviury pradastaŭlena scena sustrečy litoŭskaha maršałka Vałoviča z maskoŭskim pasolstvam.
Na advarotnym baku źmieščana tekstavaja infarmacyja pra horad. U 1575 hodzie hraviuru horada ŭ niekalki sproščanym vyhladzie vyrabili Franc Chahenbierh i Hieorh Braŭn. Jany źmiaścili jaje ŭ svaim «Atłasie haradoŭ ziamnoha śvietu». Jość i paźniejšyja varyjanty, jašče mienš dakładnyja i jakasnyja.
Čytajcie taksama:
Haradzieniec źmiaściŭ na ścianie ŭ svaim domie znakamituju hraviuru Ciunta FOTA
Pradajecca jašče adna staraja hraviura z Hrodnam
