Papraŭki Kanapackaj da «zakona ab adterminoŭkach» razhladacca nie buduć
U piatnicu deputaty ŭ druhim čytańni prymuć zakonaprajekt «Ab źmianieńni zakonaŭ efiektyŭnaha funkcyjanavańnia vajennaj arhanizacyi dziaržavy», jaki atrymaŭ nazvu «zakonam ab adterminoŭcy». U sieradu jaho pryniali ŭ pieršym čytańni.
Adno z hałoŭnych novaŭviadzieńniaŭ, ciapier na pieryjad vučoby budzie davacca tolki adna adterminoŭka. H.zn. pierad mahistraturaj, ci paśla skančeńnia kaledža i pierad pastupleńniem va ŭniviersitet treba budzie adsłužyć.
Hanna Kanapackaja uniesła svaje papraŭki ŭ «zakon ab adterminoŭkach». Adnak razhladać jaje papraŭki deputaty nie buduć.
«Hałoŭnaja kamisija maje papraŭki prahnazavana nie padtrymała. Zhodna z rehłamientam, u hetym vypadku maje papraŭki pavinny asobna vynosicca na hałasavańnie ŭ Avalnuju zału. Ale tak jak jany razychodziacca z ukazami prezidenta, nieabchodnaja jaho zhoda na ŭniasieńnie papravak. A času na atrymańnie zhody niama — prajekt uniesieny ŭ terminovym paradku. Tamu papraŭki nie mohuć być vyniesieny na hałasavańnie. Voś takoje «druhoje čytańnie», — napisała deputat u fejsbuku.