Marzaluk: Asablivym forsam stała adkasić ad vojska
Deputat Ihar Marzaluk prakamientavaŭ papraŭki ab słužbie ŭ vojsku, jakija siońnia pryniaŭ u pieršym čytańni parłamient, piša office.life
Marzaluk adznačyŭ, što ŭ Biełarusi ŭsieahulny vajskovy abaviazak, a što tyčycca vučoby za miažoj, to adterminoŭka budzie davacca tym, chto pastupiŭ u zamiežnuju VNU pa nakiravańni dziaržavy. Naprykład, u Maskvie možna padrychtavać śpiecyjalista dla MZS pa movach chindzi i urdu.
Deputat rastłumačyŭ, što astatnim možna pastupić u VNU za miažoj. Ale potym treba adsłužyć. Biełaruskija hramadzianie majuć prava pastupać na biudžetnyja miescy ŭ Rasiei.
My — nie častka Rasii, a Rasija — nie naša častka. Tamu, kali čałaviek źjechaŭ za miažu … Chaj pastupajuć i słužać. U lubym vypadku čałaviek maje prava na pastupleńnie.
Marzaluk taksama ličyć, što ciapier kolkaść ilhotnikaŭ pa pryzyvie «zaškalvaje».
«Asablivym forsam stała adkasić. Pryčym dla hetaha vielmi časta vykarystoŭvajuć i mahistraturu, i aśpiranturu», — skazaŭ jon.
Parłamientaryj prapanavaŭ paraŭnać kolkaść tych, chto navučajecca ŭ aśpirantury i kolkaść tych, chto abaraniaŭ dysiertacyi. Jon adznačyŭ taksama, što ŭ aśpiranturu zaraz iduć u asnoŭnym dla dalejšaj pracy ŭ navucy.
