U Biarozaŭskim rajonie zatrymali vykradalnika husianiat i kačaniat
Historyja pačałasia z taho, što ŭ Biarozaŭski RUUS źviarnuŭsia niepracujučy žychar rajona, 1977 h.n., i paviedamiŭ, što ź jaho chaty praz adkrytaje akno skrali mabilny telefon i 25 pačkaŭ cyharet, paviedamlaje pres-słužba UUS Brestčyny.
Pravaachoŭniki vyśvietlili, što kradziež ździejśniŭ raniej sudzimy adnaviaskoviec N., 1981 h.n. Złamyśnik u stanie ałkaholnaha apjanieńnia šnyraŭ pa haspadarčych pabudovach nasielenaha punkta, šukajučy, dzie što błaha lažyć. Ulez u chatu praz adčynienaje akno, vykraŭ z šafy cyharety i z stała — mabilny telefon.
Paśla N. skiravaŭsia ŭ inšy pasiołak Biarozaŭskaha rajona, zajšoŭ u dvor adnaho z damoŭ, ubačyŭ, što paśviacca husianiaty i kačaniaty, i vyrašyŭ zabrać ich sabie. Mužčyna ŭžo składaŭ ptušaniat u sumku, jak heta zaŭvažyła susiedka i pačała kryčać. Na kryki vyjšła 74-hadovaja haspadynia doma. Złamyśnik spužaŭsia i kinuŭsia biehčy.
Dahnaŭšy złodzieja, piensijanierka pačała vychoplivać z adkrytaj sumki ptušak, ale recydyvist zdoleŭ vyrvacca ad jaje i schavaŭsia ŭ lesie, dzie zhubiŭ skradzieny raniej mabilny telefon. Dabraŭšysia dadomu, piensijanierka źviarnułasia ŭ milicyju i zajaviła ab kradziažy 6 husianiat i 5 kuraniat.
Padazravany zatrymany, raspačataja kryminalnaja sprava.
