RPC: Słovy mitrapalita pra hibiel savieckich sałdataŭ — jaho asabistaje mierkavańnie
Zajavu mitrapalita Biełharadskaha i Staraoskalskaha Iaana ab tym, što hibiel savieckich sałdat u pačatku Vialikaj Ajčynnaj vajny była «achviaraj za biazbožnaść», źjaŭlajecca jaho asabistym mierkavańniem, a nie pazicyjaj Ruskaj pravasłaŭnaj carkvy, piša tass.ru.
Čytajcie: Mitrapalit RPC: Sałdaty ŭ pačatku Vialikaj Ajčynnaj byli biazbožnikami, tamu zahinuli
Pra heta napisaŭ u svaim tielehram-kanale staršynia Sinadalnaha adździeła pa ŭzajemaadnosinach carkvy z hramadstvam i ŚMI Maskoŭskaha patryjarchatu Uładzimir Lahojda.
«Jak luby čałaviek, mitrapalit Iaan maje prava na svoj punkt hledžańnia. Nie treba razhladać hetyja słovy jak niejkaje aficyjnaje vyražeńnie pazicyi Carkvy», — napisaŭ jon.
«Ja nie dumaju, što Božy promysieł dziejničaŭ liniejna, ź niepaźbiežnaściu biezasabovaj karmy karajučy za biazbožnaść i adpraŭlajučy na śmierć u pieršuju čarhu niechryščonych, pakidajučy pry hetym achryščanych dla pieramohi», — ličyć Lahojda.
Jon adznačyŭ, što ŭ šerahach Raboča-sialanskaj Čyrvonaj armii słužyli pradstaŭniki ŭsich vieravyznańniaŭ. «Siarod hierojaŭ-frantavikoŭ byli vierniki roznych relihij, a byli i niavierniki. I śmierć nie vybirała sabie achviar pa relihijnaj prykmiecie», — dadaŭ jon.
