Novaja «Historyja cacak» pabiła rekord zboraŭ siarod multfilmaŭ
Za niekalki dzion film «Historyja cacak 4» sabraŭ bolš za 238 miljonaŭ dołaraŭ. Heta rekordnaja staŭka zboraŭ hrašovych srodkaŭ siarod multfilmaŭ za pieršyja vychodnyja, piša bbc.com.
Stužku cudoŭna sustreli hledačy ŭ Jeŭropie i Łacinskaj Amierycy, tady jak u ZŠA jana sabrała 118 miljonaŭ dołaraŭ, choć ekśpierty raźličvali na 140 miljonaŭ.
U mnohich krainach multfilm jašče nie idzie, u pryvatnaści, u Francyi, Italii, Hiermanii i Japonii.
Čaćviortaja častka «Historyi cacak» vyjšła na ekrany praz 24 hady paśla pieršaj, jakaja ŭ 1995 hodzie sabrała ŭ suśvietnym prakacie $ 195 miljonaŭ.
«Historyja cacak 4» raspaviadaje, jak cacki sprabujuć spravicca sa stracham zastacca biez mety isnavańnia, kali ich haspadary vyrastuć.
Premjera minułaha epizodu sieryi - «Historyja cacak 3» - adbyłasia dzieviać hadoŭ tamu. Heta byŭ pieršy ŭ historyi multfilm, jaki sabraŭ bolš za miljard dołaraŭ u suśvietnym prakacie.
Mnohija prychilniki byli zaniepakojenyja tym, što novaja častka nie dasiahnie treciaha pa jakaści - papiaredniaja častka padniała płanku čakańniaŭ vielmi vysoka.
Ale, miarkujučy pa ŭsim, chvalavańnie było marnym: čaćviorty epizod maje 98% na veb-sajcie Rotten Tomatoes, jaki stvaraje rejtynhi, zasnavanyja na ahladach krytykaŭ.
Novaja historyja cacak ŭziała nie tolki suśvietny rekord, ale i brytanski rekord, sabraŭšy za pieršyja vychodnyja 15 miljonaŭ dołaraŭ.
«Historyja cacak» - heta treciaja stužka, jakaja pa vynikach pieršaha ŭik-endu źbiraje bolš za 100 miljonaŭ dołaraŭ u amierykanskim prakacie.
Astatnija dva - «Kapitan Marvieł» i «Mściŭcy: finał».