U Biełaruś prybyvajuć padraździaleńni i vajennaja technika z Rasii — dla paradu
Aktyvisty Ruchu salidarnaści «Razam» uviečary 20 červienia sfatahrafavali ŭ Oršy ešałon z rasijskaj vajskovaj technikaj.
Fota Alena Tałstaja, Ruch Salidarnaści «Razam».
Dla ŭdziełu ŭ paradzie 3 Lipienia ŭ Biełaruś pierakidvajucca vajskoŭcy 4-j Kantemiraŭskaj dyvizii i 27-j Sievastopalskaj asobnaj motastrałkovaj bryhady z Padmaskoŭja.
U składzie piešych i miechanizavanych raźlikaŭ vulicami Minska projduć prykładna 300 rasijskich vajskoŭcaŭ.
Akramia hetaha, 3 lipienia ŭ niebie nad Minskam pralacić i rasijskaja avijacyja. Jak miarkujecca, heta budzie piłatažnaja hrupa «Bierkut» (viertaloty Ka-52) i źniščalniki-bambaviki Su-34.
Jeduć u Biełaruś i apieratyŭna-taktyčnyja rakietnyja kompleksy «Iskander» 112-j rakietnaj bryhady. Ich pryviazuć u Minsk čyhunkaj — prajeduć bolš za 1000 km.