Babarykin, Vołkava i Jafremaŭ — naminanty premij Sajuznaj dziaržavy ŭ litaratury i mastactvie
Viktar Babarykin, Aksana Vołkava i Alaksandr Jafremaŭ naminiravany na saiskańnie premij Sajuznaj dziaržavy ŭ halinie litaratury i mastactva za 2019-2020 hady, paviedamili BiełTA ŭ Ministerstvie infarmacyi.
Viktar Babarykin — zasłužany artyst, hałoŭny dyryžor Prezidenckaha arkiestra Biełarusi. Naminiravany za kancertnyja prahramy kalektyvu, jakich było stvorana bolš za dźvieście.
Aksana Vołkava - artyst-vakalist, viadučy majstar sceny Nacyjanalnaha akademičnaha Vialikaha teatra opiery i baleta, zasłužanaja artystka, łaŭreat Dziaržaŭnaj premii Biełarusi. Uładalnica ŭnikalnaha mieca-saprana pryjemnaha tembru poŭnaha dyjapazonu, ličycca adnoj ź jarkich i pierśpiektyŭnych salistak opiery. Vyłučana na premiju za sieryi sceničnych vobrazaŭ u halinie muzyčnaha mastactva i kancertnyja prahramy (2009-2018 hadoŭ).
Alaksandr Jafremaŭ - mastacki kiraŭnik Teatra-studyi kinaakciora Nacyjanalnaj kinastudyi «Biełaruśfilm», zasłužany dziejač mastactvaŭ, narodny artyst Biełarusi. Naminiravany za kinafilmy vychavaŭčaha i patryjatyčnaha charaktaru, pryśviečanyja hieraičnaj baraćbie savieckaha naroda ź niamiecka-fašysckimi zachopnikami ŭ čas Vialikaj Ajčynnaj vajny, śpiektakli ruskaj i suśvietnaj dramaturhii (1994-2018 hadoŭ), a taksama cykł adukacyjnych animacyjnych filmaŭ «Kazki staroha pijanina» pra historyju kłasičnaj muzyki.