Eks-kiraŭnik «DNR» pra krušeńnie MH17: Majo sumleńnie čystaje
Eks-kiraŭnik tak zvanaj «DNR» Alaksandr Baradaj u hutarcy z RBK nazvaŭ nieabhruntavanymi abvinavačvańni Niderłandaŭ pa vynikach rasśledavańnia krušeńnia małajzijskaha Boeing (rejs MH17) u niebie nad Danbasam u 2014 hodzie.
«Hetyja abvinavačvańni kamientavać niama žadańnia i mahčymaści, ja nie razumieju absalutna ich abhruntavanaści, pakolki sistemaj supraćpavietranaj abarony my nie vałodali», — zajaviŭ jon. Na dumku Baradaja, praces rasśledavańnia byŭ pieršapačatkova palityzavany, a abvinavačanyja — «apałčeńnie» i Rasija — pryznačanyja zahadzia. «Sa mnoj śledčyja nie źviazvalisia, i ja nie bajusia ničoha, majo sumleńnie čystaje ŭ hetych adnosinach», — adznačyŭ Baradaj.
19 červienia pradstaŭniki Abjadnanaj śledčaj hrupy, jakija zajmajucca rasśledavańniem krušeńnia samalota, aficyjna nazvali imiony čatyroch padazravanych pa kryminalnaj spravie: byłoha «ministra abarony» «DNR» Ihara Hirkina (Strałkova), Leanida Charčanku, Aleha Pułatava i Siarhieja Dubinskaha.
