Łukašenka raspavioŭ prezidentu Jehipta, a jakoj hadzinie pračynajecca kožny dzień, dy daŭ u darohu kłubnicy i chleb
Na zakančeńnie aficyjnaha vizitu prezidenta Jehipta ranicaj 19 červienia jaho asabista pravodziŭ u aeraporcie Alaksandr Łukašenka, što źjaŭlajecca znakam asablivaj siabroŭskaha staŭleńnia i paśpiachovaści vizitu, padkreślivaje pres-słužba kiraŭnika dziaržavy.
Pierad adlotam Abdela Fatacha al-Sisi lidary krain praviali karotkuju hutarku.
Prezident Jehipta adznačyŭ haścinnaść, akazanuju ŭsioj delehacyi na biełaruskaj ziamli, a taksama toj fakt, što, niahledziačy na ranicu, Alaksandr Łukašenka pryniaŭ rašeńnie asabista pravodzić jaho ŭ aeraporcie: «Vielmi ŭdziačny za taki dobry žest. Chaču asobna asabliva padziakavać za vašu haścinnaść, ciopły pryjom u chodzie vizitu ŭ vašu cudoŭnuju krainu».
«Ja ničoha nadzvyčajnaha nie ździejśniŭ. Sapraŭdy takaja haścinnaść była ŭ adnosinach da mianie ŭ Jehipcie, - skazaŭ u svaju čarhu Alaksandr Łukašenka. - Što tyčycca takoha rańniaha času, jak vy skazali, to ja čałaviek viaskovy. I ja pryvyk a 5 hadzinie pastajanna pračynacca i pačynać pracoŭny dzień. Sustrecca pierad vašym adlotam na radzimu dla mianie zadavalnieńnie, kab jašče raz pahutaryć, daviedacca vašyja ŭražańni ad hetaha vizitu. My — siabry. I hetym usio skazana».
Alaksandr Łukašenka taksama pieradaŭ prezidentu Jehipta haścincy: čornuju ikru ajčynnaj vytvorčaści, kłubnicy i chleb.
president.gov.by
