Ci pravilna pavodziŭ siabie Zialenski, kali Mierkiel pačało treści? Tłumačyć daśviedčany dypłamat
Kanclercy Hiermanii Anhiele Mierkiel stała kiepska padčas vitańnia prezidenta Ukrainy Uładzimira Zialenskaha. Jaje pačało treści. Ci pravilna siabie pavodziŭ u hetaj situacyi ŭkrainski lidar? Što jon moh zrabić? Ci treba było prapanoŭvać dapamohu?
Z hetymi pytańniami «Naša Niva» źviarnułasia da daśviedčanaha dypłamata, pasła Biełarusi ŭ Vialikabrytanii (1995 — 2000) Uładzimira Ščasnaha.
Uładzimir Ščasny. Fota artbelarus.by.
«Sprava niečakanaj situacyi. Dla mianie pytańnie, kudy hladzieła niamieckaja słužba pratakołu, čamu jany nie padyšli da jaje, nie spytali, što adbyvajecca? Heta jakraz taki zadača niamieckaha pratakołu.
Što moh zrabić Zialenski? Prosta źviarnucca da jaje i spytać: «Što ja mahu zrabić?» Ale ŭjavicie sabie, čałaviek pieršy raz u padobnaj situacyi. Jon prosta nie viedaŭ, što rabić.
German Chancellor Angela Merkel says she is "very well" again after drinking three glasses of water.
Earlier Merkel was visibly shaking as she greeted Ukrainian President Volodymyr Zelenskiy at temperatures of around 30 degrees celsius in Berlin. pic.twitter.com/uWhnW0scD7
I, moža być, toje, što jon ničoha nie rabiŭ, jakraz było vyjściem. Heta takaja pazicyja anhlijskaha džentlmiena. Kali džentlmien moža dapamahčy, to jon dapamoža. Kali ž džentlmien ničym nie zdolny dapamahčy, jon robić vyhlad, što nie zaŭvažaje.
Brać za ruku nie treba było, maksimum paviarnuć hałavu i spytacca. Ale, na moj pohlad, jon zrabiŭ adzinaje pravilnaje rašeńnie. Kali b jany byli dzieści adny na pieramovach, to, kaniečnie, jon by dapamoh, spytaŭ, uziaŭ za ruku. Ale tam ža było mnostva słužboŭcaŭ, jakija musili dapamahčy joj. Zialenski spadziavaŭsia, što jość ludzi, jakija dapamohuć. I tut pytańnie: čamu jany nie zrabili hetaha.
Pytańnie dalikatnaje, tamu jon zrabiŭ usio pravilna. Vypadak nieardynarny, ale nie treba zasiarodžvać na hetym uvahu. Treba bolš havaryć pra toje, ab čym jany damovilisia potym. A heta prosta vypadak, jaki moža zdarycca z kožnym».
