Znakamituju turmu na Łukiškach u Vilni zakryjuć užo ŭ lipieni. A hramadzian puściać na ekskursii
Carkva Mikałaja-cudatvorcy ŭvachodzić u turemny kompleks, fota Delfi
Łukišskaje SIZA-turma ŭ Vilni budzie pierasielena ŭ pačatku lipienia, paviedamiŭ ministr justycyi Elvinas Jankiavičus, paskarajučy pieranos turmy na paŭhoda, piša Delfi.
«U pačatku lipienia zakryvajecca Łukišskaja turma. U samym pačatku lipienia (tam nie budzie) nivodnaha (źniavolenaha)», — skazaŭ žurnalistam ministr.
Jankiavičus adznačyŭ, što paśla pierasialeńnia turmy terytoryja budzie adkryta haradžanam.
Łukišski kompleks składajecca z šaści budynkaŭ, jakija znachodziacca ŭ centry Vilni.
U turmie na Łukiškach, pabudavanaj u pačatku XX stahodździa, siadzieła niamała biełarusaŭ, pierš za ŭsio kali Vilnia ŭvachodziła u skład Polščy, u tym liku Maksim Harecki, Francišak Alachnovič, Maksim Tank, Ryhor Šyrma, Barys Kit.
