Zialenski nazvaŭ ukrainskich žančyn turystyčnym brendam
U chodzie aficyjnaha vizitu ŭ Francyju prezident Ukrainy Uładzimir Zialenski zajaviŭ, što turysty zaŭsiody kazali, što va Ukrainie «pryhoža, smačna i pryhožyja žančyny», što było i zastajecca «našym brendam».
Zialenski sustrakaŭsia z pradstaŭnikami samaha vialikaha ŭ śviecie kampusa startapaŭ Station F. U chodzie sustrečy baki abmianialisia mierkavańniami nakont raźvićcia Ukrainy i roli IT-industryi ŭ hetym pracesie.
Rastłumačvajučy svaju pazicyju na hety kont, prezident Ukrainy źviarnuŭ uvahu na ŭražańni zamiežnych turystaŭ, jakija naviedvajuć Ukrainu. Tak, jon zaličyŭ da turystyčnych brendaŭ krainy pryhažość pryrody, kuchniu i ŭkrainskich žančyn.
«Zaŭsiody było ŭjaŭleńnie va ŭsim śviecie, što Ukraina, heta, u pieršuju čarhu, sielskaja haspadarka, heta šachty, heta mietałurhi. A turysty kazali, što va Ukrainie vielmi pryhoža, vielmi smačna i vielmi pryhožyja ludzi, asabliva žančyny. Tak, usio heta jość, i jano zastajecca našym brendam», — adznačyŭ prezident Ukrainy.
Paśla Zialenski dadaŭ, što nieŭzabavie pra Ukrainu mohuć zahavaryć jak pra krainu, u jakoj raźvita IT-industryja.
