Ruka Kijeva: nazvany arhanizatary likvidacyi Zacharčanki
U samaabvieščanaj Danieckaj narodnaj respublicy (DNR) nazvali arhanizataraŭ zabojstva 31 žniŭnia pieršaha kiraŭnika DNR Alaksandra Zacharčanki. Pra heta supracoŭnik śpiecsłužbaŭ kantralavanaj Rasijaj terytoryi ananimna raspavioŭ u efiry telekanała «Rasija-1».
Pavodle jaho słoŭ, da arhanizacyi teraktu, u vyniku jakoha zahinuŭ Zacharčanka, datyčny pamočnik načalnika 5-ha ŭpraŭleńnia kontrraźviedki Słužby biaśpieki Ukrainy (SBU) Siarhiej Matoryn. Słužačy raspavioŭ, što Matoryn — vychadziec z Danbasa i raniej słužyŭ u Słaviansku. Taksama jon maje dačynieńnie da hibieli Arsiena Paŭłava, viadomaha jak Mataroła.
Śpiecsłužby «DNR» śćviardžajuć, što zatrymali ahientaŭ SBU Siarhieja Bieštu, Uładzisłava Zajcava i inšych. Jany raskryli infarmacyju pra svaich kurataraŭ ŭ viedamstvie, siarod jakich byli nazvanyja načalnik 5-ha ŭpraŭleńnia kontrraźviedki SBU Raman Čarvinski, a taksama jaho namieśniki Maksim Papoŭ i Alaksandr Pokład.