Pornasajty ŭ Hankonhu pierastali pracavać u dzień pratestaŭ
Pornasajty, jakija pracujuć u Hankonhu, zaklikali svaich karystalnikaŭ vyjści na mitynh suprać zakonaprajekta ab ekstradycyi ŭ Kitaj. Adpaviednyja paviedamleńni źjavilisia na hałoŭnych staronkach resursaŭ dla darosłych, piša CNN.
Najbujniejšyja pornasajty spynili pracu, roliki na ich niedastupnyja. Administracyi servisaŭ zaklikali karystalnikaŭ vyjści na vulicu.
U pryvatnaści, da svaich hledačoŭ źviarnuŭsia sajt AV01. «Chočaš pravieści reštu žyćcia ŭvieś čas azirajučysia? Bolš nie budzie biaśpiečnaha miesca i abarony. Ułady zdradzili tabie, sistema zdradziła tabie, hramadstva zdradziła tabie, niaŭžo ty taksama chočaš zdradzić sabie?» — napisana na hałoŭnaj staroncy resursu.
Zvarot z patrabavańniem vyjści na vulicy dla abarony svajoj biaśpieki ad mahčymaj ekstradycyi ŭ Kitaj źjaviŭsia i na staroncy pornasajta ThisAV. Administratary źviarnulisia da ich naŭprost: «Hankonh pamiraje. A ty ŭsio jašče masturbiruješ?»
