Łukašenka daručyŭ Kačanavaj razabracca ź Biełhidramietam: Treba ci razhaniać, abo pryvodzić u pačućci
Alaksandr Łukašenka daručyŭ Administracyi prezidenta razabracca z pracaj Biełhidramieta. Adpaviednaje daručeńnie kiraŭnik dziaržavy ahučyŭ siońnia, dajučy zhodu na naznačeńnie kiraŭnikoŭ miascovych orhanaŭ ułady, pieradaje BiełTA.
Zakranajučy stanovišča spraŭ u rehijonach, Alaksandr Łukašenka zakranuŭ situacyju ŭ śfiery sielskaj haspadarki. Jon vykazaŭ nadzieju, što ŭmovy nadvorja buduć spryjać vysokaj uradžajnaści, u toj ža čas zaŭvažyŭ, što Biełarusi ŭ hetym płanie nie zaŭsiody šancuje. Uźnikli ŭ kiraŭnika dziaržavy i pytańni da pracy Biełhidramietcentra. Na jaho dumku, hetaja struktura nie ŭ poŭnaj miery spraŭlajecca sa svaimi abaviazkami.
«Ź imi treba niešta rabić: ich treba ci razhaniać, abo pryvodzić u pačućci. U lepšym u niejki dzień na 50-70% dakładnaść prahnozu nadvorja. Nam taki Hidramietcentr nie patrebny, — zajaviŭ kiraŭnik dziaržavy. — Ja ŭžo aryjentujusia na vajennych, jakija bačać u realnym časie nadvorje, padkažuć, dzie iduć daždžy pa respublicy i što budzie ŭ bližejšyja 12 hadzin. Amal na 100% dajuć dakładny prahnoz, praŭda, karotki. My pavinny viedać, što adbyvajecca, što budzie zaŭtra, paślazaŭtra, kab aryjentavacca».
