Pucin pra Rasiju i Biełaruś: My adzin narod, ale na siońnia padstaŭ dla abjadnańnia niama
Padstaŭ dla dziaržaŭnaha abjadnańnia Rasii i Biełarusi niama, takich płanaŭ nie isnuje, zajaviŭ prezident Rasii Uładzimir Pucin, piša interfax.by.
«Pa maim hłybokim pierakanańni, my ŭsio ž taki adzin narod, ale tak skłałasia, što my žyviem u roznych krainach, roznyja dziaržavy ŭtvarylisia, ja ŭžo šmat razoŭ na hety kont vykazvaŭsia. Ale siońnia niama nijakich padstaŭ dla dziaržaŭnaha abjadnańnia, u nas niama takich płanaŭ, metaŭ niama», — skazaŭ Pucin na plenarnym pasiadžeńni Pieciarburhskaha mižnarodnaha ekanamičnaha forumu ŭ piatnicu, adkazvajučy na pytańnie pra mahčymaść abjadnańnia dźviuch krain.
Pucin taksama adznačyŭ, što mnohaje z dahavora ab Sajuznaj dziaržavie da hetaha času nie zroblena. Pavodle jaho słoŭ, jany abmiarkoŭvali z Alaksandram Łukašenkam, ci mohuć Rasija i Biełaruś «u novych umovach siońniašniaha dnia niešta vykanać z taho, što nie zroblena» abo dadać novyja aktualnyja pytańni.
