Pradstaŭnica Biełarusi ŭpieršyniu abranaja ŭ praŭleńnie Jeŭrapiejskaj piśmieńnickaj rady
www.culturepartnership.eu
U Ryzie padčas Hienieralnaj asamblei Jeŭrapiejskaj piśmieńnickaj rady (European Writers' Council) było abranaje novaje kiraŭnictva arhanizacyi. U skład praŭleńnia ŭpieršyniu za čas isnavańnia EWC ŭvajšła pradstaŭnica Biełarusi — siabra Sakrataryjatu Sajuza biełaruskich piśmieńnikaŭ, kiraŭnica Zhurtavańnia biełarusaŭ śvietu «Baćkaŭščyna» Alena Makoŭskaja, paviedamlaje pres-słužba SBP
Prezidentam EWC abranaja niamieckaja piśmieńnica Nina Hieorhie (piša taksama pad psieŭdanimami An Uest, Džejn Bańol, Nina Kramier).
Jeŭrapiejskaja piśmieńnickaja rada — fiederacyja 44 nacyjanalnych arhanizacyj prafiesijnych piśmieńnikaŭ, litaraturnych pierakładčykaŭ i prajektnych mieniedžaraŭ. Jana pradstaŭlaje bolš za 160 tysiač litarataraŭ z 34 krain Jeŭropy, najpierš ź Jeŭrasajuza, a taksama Biełarusi, Isłandyi, Katałonii, Narviehii, Sierbii, Turcyi, Šviejcaryi i Čarnahoryi.
Ad Biełarusi z 2010 hoda pravadziejnym siabram EWC ziaŭlajecca Sajuz biełaruskich piśmieńnikaŭ. Z postsavieckaj prastory u Jeŭrapiejskuju piśmieńnickuju radu, akramia SBP, uvachodziać tolki litaraturnyja arhanizacyi krain Bałtyi.
