Zialenski paabiacaŭ dać žorstki adkaz na abstreły na Danbasie
president.gov.ua
Ukrainskija vajskoŭcy hatovyja dać žorstki adkaz na ataku bajevikoŭ na Danbasie, zajaviŭ prezident Ukrainy Uładzimir Zialenski. Jon taksama nahadaŭ, što Kijeŭ nastojvaje na spynieńni ahniu, havorycca ŭ zajavie na sajcie kiraŭnika dziaržavy.
«Abstreły ŭkrainskich vajskoŭcaŭ — vidavočnaja sproba čarhovy raz sarvać praces pieramovaŭ ab spynieńni ahniu. Chto b ni addaŭ zahad — Uzbrojenyja siły Ukrainy buduć adkazvać žorstka i ŭ adpaviednaści ź situacyjaj», — skazaŭ Zialenski.
Pa słovach prezidenta, ahoń pablizu Novałuhanskaha ŭ noč na 7 červienia śviedčyć pra «aburalnaje parušeńnie» minskich damoŭlenaściej. Prezident Ukrainy spadziajecca, što Rasija adnović kantrol i kiravańnie nad svaimi najomnikami.
U noč na piatnicu, 7 červienia, bajeviki atakavali padraździaleńni apieracyi abjadnanych siłaŭ (AAS) u rajonie pasiołka Novałuhanskaje Danieckaj vobłaści. Zahinuli dvoje vajskoŭcaŭ, a vosiem atrymali ranieńni.
