Kiraŭnikam kałhasaŭ patłumačyli, jak vyhaniać žurnalistaŭ ad BAŽ i Biełsata. Ideołah: Ja ŭ šoku, mianie dyskredytavali
U adnym telehram-kanale źjaviŭsia dakumient, jaki nibyta razasłali pa sielskich haspadarkach Śvietłahorskaha rajona. Jon nazyvajecca «Ałharytm dziejańnia kiraŭnika i supracoŭnikaŭ arhanizacyi pry pracy sa ŚMI».
Prapanujecca adrazu pahladzieć na žurnalisckaje paśviedčańnie, a kali jano nie pradastaŭlajecca, a ŭ adkaz čujecca: «fryłansier», «Biełsat», «BAŽ», to admaŭlać u kamientarach i intervju. U pamiatcy kažuć, što ŭ vypadku čaho treba zvanić načalnicy adździeła ideałahičnaj raboty Śvietłahorskaha rajvykankama Ale Mańkievič. Kali ž žurnalisty ahresiŭna siabie pavodziać, to telefanavać u milicyju.
Taksama ŭ zadaču kiraŭnictva stavicca praviadzieńnie instruktažu z supracoŭnikami kalektyvaŭ, a taksama nie dapuskać «pabočnych asobaŭ» na terytoryju pradpryjemstva.
Vystupaje Ała Mańkievič. Fota «Śvietłahorskija naviny».
Ała Mańkievič prakamientavała dla «NN» źjaŭleńnie ŭ internecie hetaha dakumienta.
«Kali vy chočacie moj kamientar, to ja hatovaja iści navat u sud, kab adstojvać svoj honar i hodnaść, bo idzie absalutniejšaja dyskredytacyja. Ja ŭ šoku, što niechta raźmiaściŭ dadzienuju infarmacyju.
Chto heta zrabiŭ, jak, navošta, mnie ciažka heta zrabić. Ale ž nichto nie kaža, što heta za rassyłka, adkul jana pryjšła. Heta dyskredatycyja mianie jak kiraŭnika ideałahičnaj viertykali Śvietłahorskaha rajona.
Ja vam aŭtarytetna zajaŭlaju, što nijakich ni listoŭ, ni rassyłak, ni padobnych ałharytmaŭ dziejańnia nie rassyłała. My dziejničajem u adpaviednaści z zakanadaŭstvam. My adkrytyja da razmovaŭ, spakojna dajem kamientary.
Z BAŽa da nas uvohule nichto nikoli nie źviartaŭsia. Z «Biełsata» jeździać, Žukoŭski raniej aktyŭna pryjazdžaŭ. Mnie ciažka navat kamientavać niešta, nie chaču apraŭdvacca. Chtości vyrašyŭ zrabić mnie takuju kazu! Treba pašukać siarod svaich vorahaŭ, chacia ja dumała, što ich u mianie niama», — skazała «NN» Ała Mańkievič.
