Sprava nakont abvinavačvańnia Ranałdu ŭ zhvałtavańni zakryta
Fota z aficyjnaha tvitara «Juvientusa»
Sudovaje raźbiralnictva pa abvinavačańni forvarda zbornaj Partuhalii i «Juvientusa» Kryšcijanu Ranałdu ŭ zhvałtavańni zakryta, paviedamlaje Bloomberg.
U sud Łas-Viehasa ŭ mai pastupiła paviedamleńnie ab dobraachvotnym spynieńni hetaj spravy. Pry hetym pakul nieviadoma, ci było heta zroblena pa chadajnictvie pazoŭščyka abo pa ŭzajemnaj zhodzie bakoŭ.
Ranałdu vinavacili ŭ zhvałtavańni amierykanskaj madeli Ketryn Majorhi, jakoje nibyta mieła miesca ŭ 2009 hodzie ŭ Łas-Viehasie. Adrazu paśla incydentu dziaŭčyna padała zajavu ŭ palicyju, nie nazyvajučy pry hetym imia hvałtaŭnika. Ale praz hod padpisała damovu ź jurystami Ranałdu ab nievydavańni infarmacyi, atrymaŭšy za heta $375 tys.
U kastryčniku 2018 hoda palicejskaje ŭpraŭleńnie horada paviedamiła, što rasśledavańnie pa spravie było adnoŭlenaje paśla zapytu paciarpiełaj.