U Klimavickim rajonie za sutki patanuli troje dziaciej
Fota SK
Pra heta paviedamiŭ BiełTA staršynia Mahiloŭskaj abłasnoj arhanizacyi OSVOD Mikałaj Majsiejeŭ.
Pieršy incydent adbyŭsia na vadaschoviščy ŭ vioscy Sobaleŭka. Jak miarkujecca, dva braty hulali kala damby, paśliznulisia i ŭpali ŭ vadu. Paśla zvanka minaka na miesca zdareńnia prybyli ratavalniki, jakija znajšli na bierazie vadaschovišča miortvaha chłopčyka. Jaho dastali z vady miascovyja žychary. Pa ich słovach, u vadaschovišča moh znachodzicca i jaho brat. U vyniku pošukaŭ vadałazy dastali cieła starejšaha 11-hadovaha brata (znachodziŭsia na hłybini čatyroch mietraŭ za 5-7 mietraŭ ad bieraha).
Jašče adna trahiedyja adbyłasia ŭ hety ž dzień u krejdavym karjery la samich Klimavič. Pa słovach vidavočcaŭ, 14-hadovaja dziaŭčynka hulała pa vadzie kala samaha bieraha i raptam apynułasia pad vadoj. Jaje vyciahnuli miascovyja žychary, adnak vyratavać padletka nie ŭdałosia.
