Prezidenckija vybary ŭ Litvie vyjhraŭ Hitanas Naŭsieda
Hitanas Naŭsieda z žonkaj Dyjanaj, fota Delfi.lt
U Litvie adbyłosia hałasavańnie ŭ druhim tury vybaraŭ prezidenta, a taksama na vybarach u Jeŭraparłamient. Jaŭka na vybarach prezidenta skłała 53,43%.
Paśla apracoŭki źviestak z usich učastkaŭ (usiaho ich 1972) Hitanas Naŭsieda pieramoh z vynikam 65,86%. U Inhrydy Šymanicie — 32,86%
U pieršym tury Šymanicie vyjhrała ŭ Naŭsiedy ŭ 0,18%, a ciapier užo pavinšavała supiernika ź pieramohaj.
Šymanicie była ministram finansaŭ u 2009—2012 hh., jaje padtrymlivaje taja ž partyja, što vyłučała Dalu Hrybaŭskajcie dziesiać hadoŭ tamu — «Sajuz Ajčyny — Chryścijanskija demakraty».
«Ja baču, što ludzi pavieryli. Tak što ciapier samaje drennaje, što moža adbycca — kali my padarviem davier ludziej. Ja budu rabić usio i ja spadziajusia, što maja kamanda budzie rabić usio, addaść usie siły Litvie, kab nie zdaryłasia tak, kab ludzi rasčaravalisia ŭ palitycy naohuł», — skazaŭ jon.
«Pa svaich čałaviečych jakaściach ja adroźnivajusia ad prezidenta Dali Hrybaŭskajcie», — padkreśliŭ Nausieda.
Naŭsieda — biespartyjny, jamu 19 maja spoŭniłasia 55 hadoŭ. Byŭ daradcam kiraŭnika Banka Litvy, z 2008 pa 2018 hod daradcam prezidenta SEB Banka, a ŭ 2004—2009 hh. daradcam prezidenta Vałdasa Adamkusa.
Paśla pieršaha tura Naŭsieda zajaviŭ, što Litva chacieła b «vielmi družalubnych adnosin ź Biełaruśsiu, zasnavanych na ekanamičnym raźvićci, zasnavanych na łahistycy, na transpartnaj infrastruktury… Jość šmat pytańniaŭ, jakija b my mahli abmierkavać na roznym uzroŭni — ministerstvaŭ, ministraŭ, i mahčyma, nie mahu heta vyklučać, mahčyma, i na vyšejšym palityčnym uzroŭni».
Naŭsieda tady dadaŭ, što tema BiełAES nie pavinna poŭnaściu zaciamnić adnosiny pamiž Vilniaj i Minskam, bo Litvie važna zachavać Biełaruś niezaležnaj ad Rasii.