Brazilski akcior adhadavaŭ vałasy, jakim pazajzdrościć lubaja dziaŭčyna FOTA
28-hadovy Kryścijan Braha z štata Minas-Žerajs (Brazilija) uzmocniena buduje akciorskuju i madelnuju karjeru. I ŭ hetym niemałuju dapamohu jamu akazała jaho šavialura. Chłopiec vyrašyŭ adhadavać vałasy i pahladzieć, što vyjdzie, paviedamlaje Daily Mail.
Adroščvać vałasy Kryścijan pačaŭ piać hadoŭ tamu. Prosta ŭ adzin momant jon zrazumieŭ, što doŭhija vałasy jamu padabajucca, a pryčyn admaŭlacca ad taho, što padabajecca, u jaho niama. Chłopiec raspavioŭ, što ničoha asablivaha jon nie robić — prosta dahladaje za vałasami z dapamohaj roznych alejaŭ: ałoe viera, ramonka, avakada, miaty i inšych.
Fota: © MDWFEATURES / CRISTIANO BRAGA
Kryścijan pryznaŭsia, što jaho ciapier časta spyniajuć na vulicy, dziviačysia ź jaho šavialury abo prymajučy chłopca za jakuju-niebudź rok-zorku. Adnak pakul dziaŭčaty pahałoŭna jamu zajzdrościać, chłopcy čaściej za ŭsio abražajuć. Jany ličać, što Kryścijan sprabuje być padobnym da žančyny, ale heta zusim nie tak.
Fota: © MDWFEATURES / CRISTIANO BRAGA
«Mianie zasmučajuć pytańni, ci nie chaču ja stać žančynaj. Jany prosta pakazvajuć, što naša hramadstva nie hatova pryniać niešta, što choć kolki-niebudź adroźnivajecca ad zvykłaj karciny», — kaža Kryścijan.
