Kaciaryna Cichanava, jakuju nazyvajuć dačkoj Pucina, abaraniła kandydackuju dysiertacyju
Kiraŭnik «Inapraktyki» Kaciaryna Cichanava abaraniła kandydackuju dysiertacyju, pryśviečanuju raźliku matematyčnych madelaŭ karekcyi zroku ŭ ekstremalnych umovach. Dla padrychtoŭki pracy pravodzilisia ekśpierymienty, u tym liku z kasmanaŭtam na arbicie, paviedamlaje RBK.
Kaciaryna Cichanava kiruje fondam «Nacyjanalnaje intelektualnaje raźvićcio», sumiaščajučy hetuju pasadu z pasadaj kiraŭnika Centra nacyjanalnaha intelektualnaha rezierva (CNIR, padraździaleńnie MDU). Abiedźvie struktury pracujuć pad brendam «Inapraktyka». Raniej ahienctva Reuters paviedamlała, što Cichanava źjaŭlajecca dačkoj prezidenta Rasii Uładzimira Pucina. Aficyjnaha paćvierdžańnia abo abviaržeńnia infarmacyja nie atrymała. U śniežni 2015 hoda ŭ chodzie pres-kanfierencyi Pucin padkreślivaŭ, što nie budzie abmiarkoŭvać svaju siamju, u tym liku praź biaśpieku.
