Hadzińnik Vacheron Constantin za $230 tysiač kanfiskavali ŭ biełaruski ŭ maskoŭskim aeraporcie
Supracoŭniki mytni ŭ maskoŭskim aeraporcie «Damadziedava» zatrymali 32-hadovuju pasažyrku rejsa Dubaj — Maskva, jakaja sprabavała pravieźci niezadekłaravany šviejcarski hadzińnik koštam 15 miljonaŭ rasijskich rubloŭ (bolš za $230 tysiač), havorycca ŭ paviedamleńni pres-słužby Damadziedaŭskaj mytni.
Hramadzianka Biełarusi prajšła praz «zialony» kalidor. Darahi aksiesuar u jaje znajšli padčas dahladu ručnoj pakłažy. Žančyna zajaviła, što hadzińnik kupiła za miažoj sa skidkaj i źbirajecca addać jaho mužu. Pry hetym dakładnaja cana joj nieviadomaja, a dakumienty, jakija paćviardžajuć košt, jana nie pakazała.
Mytnaja ekśpiertyza vyśvietliła, što hadzińnik Vacheron Constantin Les Cabinotiers Minute Repeater Tourbillon Perpetual Calendar zrobleny z zołata 750 proby i vypuskajecca abmiežavanaj sieryjaj u adzinkavym ekzemplary pad zakaz.
Mytny košt tavaru skłaŭ bolš za 15,26 miljona rasijskich rubloŭ (bolš za $230 tysiač), a suma niavypłačanych mytnych płaciažoŭ — bolš za 4,36 miljona rubloŭ (bolš za $67 tysiač).
