Biełaruska z transpłantavanymi piečańniu i nyrkaj naradziła druhoje dzicia
Biełaruska z transpłantavanymi piečańniu i nyrkaj naradziła druhoje dzicia, paviedamiŭ žurnalistam dyrektar Minskaha NPC chirurhii, transpłantałohii i hiematałohii Aleh Rumo, piša BiełTA.
U praktycy biełaruskich miedykaŭ jość unikalny vypadak: žančyna paśla transpłantacyi piečani i nyrki ŭ druhi raz stała mamaj. Pa słovach Aleha Rumo, heta adziny ŭ śviecie vypadak, kali paśla takoj składanaj apieracyi pacyjentka zmahła naradzić dvuch całkam zdarovych dzietak.
Apieracyja była praviedziena čatyry hady tamu — 1 krasavika 2015 hoda. Siońnia pieršamu dziciaci — chłopčyku — 2,5 hoda. Niadaŭna naradziłasia dačka — joj chutka 4 miesiacy. Sama ž jana adčuvaje siabie absalutna zdarovaj i žyvie paŭnavartasnym žyćciom. Z raźvićciom transpłantałohii ŭ Biełarusi ciažarnaść paśpiachova zaviaršyłasia naradžeńniem dziciaci ŭ 41 žančyny, jakaja raniej pieraniesła transpłantacyju nyrki, i ŭ piaci žančyn, jakim pierasadzili piečań.
