Za 15 hadoŭ inviestary ŭkłali ŭ rekanstrukcyju histaryčnaha centra Minska amal paŭmiljarda rubloŭ
Fota Siarhieja Hudzilina
Dziaržaŭnaje pradpryjemstva «Minskaja spadčyna» z 2004 hoda viadzie rekanstrukcyju histaryčnaha centra horada. Stała viadoma, kolki ŭ hety prajekt inviestavali pazabiudžetnych srodkaŭ, piša Tut.by
Kolki hrošaj inviestary ŭkłali ŭ rekanstrukcyju i restaŭracyju histaryčnaha centra Minska za 15 hadoŭ, raspavioŭ načalnik techničnaha adździeła KUP «Minskaja spadčyna» Siarhiej Abramaŭ.
- Z 2004 hoda pazabiudžetnyja inviestycyi ŭ rekanstrukcyju histaryčnaha centra Minska skłali 487,7 miljona rubloŭ, užo denaminavanyja. Ale heta nie tolki hrošy inviestaraŭ, ale i KUP «Minskaja spadčyna» — my taksama ŭkładvali svaje hrošy.
«Minskaja spadčyna» - zakazčyk pa rekanstrukcyi i restaŭracyi histaryčnaha centra Minska. U hetuju terytoryju ŭvachodzić Vierchni horad, kvartały vulic Kamsamolskaja i Revalucyjnaja, Rakaŭskaje i Trajeckaje pradmieście, a taksama terytoryja, jakaja prylahaje da Trajeckaha pradmieścia i Minskaje zamčyšča.
Z momantu zaćviardžeńnia detalovaha płana na terytoryju histaryčnaha centra, rekanstrukcyju i restaŭracyju praviali na 133 abjektach. Zaraz iduć pracy jašče na vaśmi abjektach historyka-kulturnaj spadčyny.