Zorka sieryjała «Čarnobyl»: «Biełaruś była najhoršym miescam na płaniecie»
Aktrysa mini-sieryjała ad HBO «Čarnobyl» Emili Uotsan raspaviała na sustrečy z žurnalistami, što dumaje pra Biełaruś, piša Citydog.by sa spasyłkaj na brytanskaje vydańnie Daily Express.
U druhoj sieryi mini-sieryjała ad HBO «Čarnobyl» hledačy paznajomilisia z Uljanaj Chamiuk ź Minska — pavodle siužeta, vydumanaja hierainia pracavała fizikam-jadzierščykam u Biełaruskim instytucie jadziernaj enierhietyki. Žančynu syhrała anhličanka Emili Ŭotsan.
Na sustrečy z žurnalistami aktrysa raspaviała ab svajoj hieraini: «Jana ź Biełarusi, i, kali vy pryjedziecie ŭ Biełaruś choć na dźvie siekundy, vy zrazumiejecie, što heta, imavierna, było najhoršaje miesca dla žyćcia na płaniecie ŭ siaredzinie XX stahodździa (vidavočna, aktrysa kaža pra Druhuju suśvietnuju vajnu) Nasielnictva vyniščałasia z Zachadu i z Uschodu ŭ toj čas, kali jana była dziciem. Tamu heta niejmavierna mocnyja, žyvučyja i ŭstojlivyja ludzi <…> ».
Treciaja sieryja mini-sieryjała ad HBO «Čarnobyl» vyjdzie ŭ efir užo siońnia, 20 maja.
