Łukašenka zładziŭ lohki kadravy pieratrus
Alaksandr Łukašenka zrabiŭ šerah kadravych pryznačeńniaŭ, piša BiełTA.
Namieśnikam staršyni Prezidyuma NAN pryznačany Alaksandr Kilčeŭski, jaki da hetaha pracavaŭ na pasadzie hałoŭnaha vučonaha sakratara Nacyjanalnaj akademii navuk. U svaju čarhu hetu pasadu zaniaŭ Andrej Ivaniec. Raniej jon byŭ namieśnikam dyrektara pa navukovaj rabocie Instytuta ahulnaj i niearhaničnaj chimii Nacyjanalnaj akademii navuk.
Łukašenka taksama daŭ zhodu na pryznačeńnie Vadzima Machańko hienieralnym dyrektaram RUP «Navukova-praktyčny centr Nacyjanalnaj akademii navuk pa bulbavodstvie i płodaaharodnictvie». Da hetaha času jon zajmaŭ u hetaj arhanizacyi pasadu namieśnika hienieralnaha dyrektara pa navukovaj pracy NAN Biełarusi.
Dziaržaŭnaje vytvorčaje abjadnańnie pa palivie i hazifikacyi «Biełpalivahaz» ŭznačalić Alaksiej Kušnarenka. Da hetaha času jon kiravaŭ vytvorčym RUP «Mahiloŭabłhaz». Pasadu hiendyrektara AAT «Minski aŭtamabilny zavod» — kirujučaja kampanija chołdynhu «BiełaŭtaMAZ» zojmie Valeryj Ivankovič, jaki raniej źjaŭlaŭsia hienieralnym dyrektaram AAT «Amkador».
Hiendyrektaram «Lidsielmaš» stanie Ryhor Ivańkoŭ, jaki raniej ŭznačalvaŭ «Amkador-DOMZ». Na pasadu hienieralnaha dyrektara Kirujučaj kampanii chołdynhu «Biełaruskaja cemientnaja kampanija» ŭzhodnieny Alaksandr Daŭhała. Raniej jon pracavaŭ načalnikam upraŭleńnia budaŭnictva i žyllova-kamunalnaj haspadarki Aparatu Saŭmina.
Taksama Łukašenka daŭ zhodu na pryznačeńnie Taćciany Łuhinoj staršynioj Biełaruskaha dziaržaŭnaha kancerna pa vytvorčaści i realizacyi tavaraŭ lohkaj pramysłovaści
Na pasadu pieršaha namieśnika ministra architektury i budaŭnictva ŭzhodnieny Ihar Kaściukoŭ. Da hetaha jon pracavaŭ u ministerstvie na pasadzie načalnika hałoŭnaha ŭpraŭleńnia budaŭnictva. Akramia taho, Alaksiej Ananič uzhodnieny na pasadu namieśnika ministra architektury i budaŭnictva. Da hetaha času jon pracavaŭ na pasadzie namieśnika dyrektara pa ekanomicy prajektnaha kamunalnaha unitarnaha pradpryjemstva «Minskprajekt».
Na pasadu staršyni Žabinkaŭskaha rajvykankama ŭzhodnieny Vital Kułak. Jon raniej uznačalvaŭ kamitet pa sielskaj haspadarcy i charčavańnia Bresckaha abłvykankama.
Juryj Bisun, jaki kiravaŭ Ivanaŭskim rajvykankamam, zojmie pasadu kiraŭnika Pružanskaha rajvykankama.
Ivanaŭski rajvykankam uznačalić Anatol Tkačuk, jaki źjaŭlajecca deputatam Pałaty pradstaŭnikoŭ.
