U Minsku projdzie niezvyčajny parad z kazłom na čale kałony
Moładź Minska 25 maja prezientuje patryjatyčny prajekt «Uletku 44-ha…», pryśviečany 75-hodździu vyzvaleńnia Biełarusi, pra heta BiełTA paviedamili ŭ Minskim haradskim kamitecie BRSM.
Centralnaj padziejaj stanie rekanstrukcyja šeścia partyzanskaha parada, jaki prajšoŭ 16 lipienia 1944 hoda na byłym haradskim ipadromie ŭ rajonie vuł. Čyrvonaarmiejskaja.
Z 13.00 da 13.30 pa vuł. Kamsamolskaj projdzie kałona z końnicaj, partyzanami i padpolščykami. Uznačalić šeście lehiendarny kazioł pa mianušcy Mały — u 44-m jon staŭ adnym z talismanaŭ paradu. Na impravizavanaj trybunie źbiarucca vieterany Vialikaj Ajčynnaj vajny, udzielniki partyzanskaha ruchu i parada 1944 hoda. Čakanić krok pierad imi buduć aktyvisty BRSM — studenty ustanoŭ vyšejšaj adukacyi stalicy.
Taksama ŭ 13.00 u skviery na vuł. Komsomolskaja pačnuć pracu interaktyŭnyja placoŭki.
Tut ža možna budzie paŭdzielničać u majstar-kłasach pa strajavoj padrychtoŭcy, zborcy-razborcy aŭtamataŭ, stralbie sa zbroi časoŭ Vialikaj Ajčynnaj vajny, namotvańni anuč.