AMAP usio ž razahnaŭ akcyju pratestu ŭ rasijskim Jekaciarynburhu. Zatrymanyja kala 60 čałaviek
Supracoŭniki AMAPa zaviaršyli razhon pratestoŭcaŭ suprać budaŭnictva chrama ŭ Jekaciarynburzie i pakinuli miesca praviadzieńnia akcyi, paviedamlaje Znak.com.
Pa dadzienych vydańnia, na akcyi byŭ zatrymany 61 čałaviek. 66.ru, «Jekaciarynburh anłajn» i «mbCh Miedyja» pišuć pra 58 zatrymanych. Siarod ich staršynia śviardłoŭskaj «Adkrytaj Rasii» Uładzisłaŭ Pośnikaŭ. Pavodle infarmacyi Znak.com, u jaho było pry sabie žurnalisckaje paśviedčańnie,
ale siłaviki paraili «zapchnuć jaho ŭ adno miesca».
Jašče siemiarych čałaviek, siarod jakich byli niepaŭnaletnija, dastavili ŭ adździaleńni palicyi ŭ pačatku akcyi, piša Znak.com. Častku ź ich paźniej adpuścili.
Z 13 maja ŭ Jekaciarynburhu prachodziać pratesty prychilnikaŭ zachavańnia skviera, na miescy jakoha chočuć pabudavać carkvu. Ułady Śviardłoŭskaj vobłaści viali pieramovy z udzielnikami pratestaŭ, ale admovilisia zamarozić budaŭnictva chrama.
znak.com
Śviatuju Kaciarynu ličać zastupnicaj Jekaciarynburha: prajekt sabora ŭ jaje honar byŭ zaćvierdžany jašče ŭ 2010 hodzie. Adkryćcio chrama pryznačana na 2023 hod, da 300-hodździa Jekaciarynburha. Chram pabudujuć u styli architektury XVII stahodździa, adznačaje currenttime.tv.
