«Jon rychtavaŭsia da rasčlanieńnia. Jaki pierahlad spravy?» Zabojcu dźviuch žančyn u Babrujsku ŭsio ž rasstralajuć
Kalehija kryminalnych spraŭ Viarchoŭnaha suda 14 maja adchiliła apielacyjnuju skarhu asudžanaha da śmiarotnaha pakarańnia žychara Babrujska Alaksandra Asipoviča. Ciapier asudžanamu zastajecca spadziavacca tolki na toje, što jaho pamiłuje Alaksandar Łukašenka, piša Radyjo Svaboda.
Pra što prasiŭ asudžany na śmierć
Pierad razhladam skarhi Alaksandr Asipovič chadajničaŭ pierad sudom ab praviadzieńni novaj kompleksnaj sudova-psichijatryčnaj ekspertyzy siabie.
Jon zhadvaŭ pra atrymanuju raniej traŭmu hałavy, kazaŭ, što raniej jamu nie zrabili tamahrafiju mozhu, i prasiŭ sud adkłaści razhlad skarhi da praviadzieńnia ekśpiertyzy.
Taksama abvinavačany prasiŭ pierakvalifikavać jahonyja dziejańni z zabojstva z asablivaj žorstkaściu na zabojstva ŭ vyniku pieravyšeńnia nieabchodnaj abarony. Adnak maci adnoj z achviar, Nina Klimava, była suproć zadavalnieńnia chadajnictvaŭ Alaksandra Asipoviča.
«Jon choča žyć, ale dziaŭčaty taksama chacieli žyć»
U pierapynku ŭ sudzie Nina Klimava ŭ razmovie z karespandentam Svabody aburałasia pavodzinami padsudnaha Asipoviča:
«Pra jakuju ekśpiertyzu idzie havorka? Jaho ŭžo pryznali psichična zdarovym, a ciapier jon ciahnie čas. Chiba možna jaho ličyć chvorym na hałavu? Ale, jon hetak źniaviečyŭ maju dačku Alesiu, što ja chavała jaje ŭ zakrytaj trunie. I jaje siabroŭku taksama źniaviečyŭ. Ale dalej dziejničaŭ vielmi metanakiravana: cieły dziaŭčyn byli raździetyja i składzienyja ŭ vannaj. Jon rychtavaŭ ich da rasčlanieńnia, tolki nie akazałasia pakietaŭ, tamu pajšoŭ u kramu i nabyŭ tam pakietaŭ, a zaadno i piŭka. Hetak na vulicy, kali piŭ piva, jaho i zatrymaŭ patrulny narad, jaki jeździŭ pa rajonie. Nie zatrymali b tady, dahetul by ničoha nie znajšli, i zabojstvy praciahvalisia b», — skazała Nina Klimava.
«Prosim dać mahčymaść vykupić vinu pracaj»
U maci asudžanaha Antaniny Asipovič svaja praŭda pra toje, što rabiŭ jaje syn paśla zabojstva dziaŭčyn.
«Jaho zatrymali kala padjezda: siadzieŭ na łaŭcy, piŭ piva. Za heta jaho advieźli ŭ pastarunak, i ŭžo tam jon pryznaŭsia, što zabiŭ. I nijakich pakietaŭ dla vynasu ciełaŭ jon nie nabyvaŭ. Na reštu ź piva nabyŭ upakoŭki zvyčajnych śmiećcievych pakietaŭ pad viadro — akcyja była ŭ kramie. Kali b byli patrebny budaŭničyja pakiety, pajšoŭ by ŭ susiedniuju kramu. Nijakaha rasčlanieńnia jon nie rychtavaŭ».
U sudzie Antanina Asipovič sprabavała pieradać sudździam chadajnictva, jakoje padpisali ŭ abaronu Alaksandra Asipoviča 40 jahonych susiedziaŭ, svajakoŭ i znajomych.
«Prosim dać mahčymaść vykupić vinu pracaj», — napisana ŭ chadajnictvie. Ale sudovaja kalehija chadajnictva nie pryniała.
Kalehija Viarchoŭnaha sudu chadajnictvy Alaksandra Asipoviča adchiliła i pierajšła da razhladu jahonaj skarhi.
Prahučali pakazańni Alaksandra Asipoviča z materyjałaŭ spravy. Pavodle asudžanaha, paciarpiełyja dziaŭčyny chacieli jaho abrabavać, a kali jon heta ŭbačyŭ, to začynilisia ŭ vannym pakoi i patelefanavali ŭ milicyju, kab zymitavać napad na ich. Kali jon adčyniŭ vannuju, paciarpiełyja nibyta na jaho napali, a jon abaraniaŭsia. Pry hetym usich abstavin padziej 20 lipienia jon nie pamiataje, bo byŭ niećviarozym.
«Na mianie napała z nažom Klimava, vychapiŭ nož i ŭdaryŭ jaje. Dalej nia pamiataju, što rabiŭ». Kali ačuŭsia i ŭbačyŭ, što narabiŭ, raździeŭ zabitych, kab kroŭ nie naciakła pad plitku». Paŭtaryŭ, što paśla zatrymańnia za raśpićcio piva sam u pastarunku napisaŭ jaŭku z pavinnaj. Praciahvaŭ śćviardžać, što paciarpiełyja pieršymi napali na jaho.
Pra siabie raskazaŭ, što z 10 hadoŭ zastaŭsia biaz baćki, jaki trahična zahinuŭ. Pryhladaŭ za małodšaj siastroj jak baćka. Rana pajšoŭ pracavać, bo ŭ siam‘i nie chapała hrošaj. Byŭ trojčy sudzimy, ale ŭ źniavoleńni ŭvieś čas pracavaŭ. «Lublu pracavać, nie źjaŭlajusia ŭdzielnikam nijakaj złačynnaj hrupy».
Skazaŭ, što «da žanočaha połu ŭvieś čas staviŭsia dobra, nia kryŭdziŭ». Pry hetym hołas dryžaŭ.
Što kazała maci zabitaj dziaŭčyny
«U jaje była razdroblenaja ŭsia hałava. 77 udaraŭ jon nanios nažom. Chłopcaŭ z Aŭhanistanu u lepšym stanie pryvozili. Heta źvier u kletcy, i jon nie raskajaŭsia», — skazała sudu Nina Klimava.
Taksama jana raskazała abstaviny zabojstva druhoj dziaŭčyny:
«Ja bačyła materyjały spravy: jon zabiŭ jaje zzadu ŭdarami nažom i skroń i ŭ ciemia. Jašče i praviarnuŭ nož, kab peŭna zabić». Nina Klimava ličyć, što śmiarotny prysud Alaksandru Asipoviču byŭ vyniesieny spraviadliva. «Niama čaho na jaho bolš tracić hrošy».
Asipovič byŭ asudžany na śmierć u studzieni 2019 hodu. Tady na vyjaznym pasiadžeńni Mahiloŭskaha abłasnoha sudu ŭ Babrujsku jon byŭ pryznany vinavatym u dvajnym zabojstvie, učynienym pry abciažlivych abstavinach.
Čytajcie taksama:
U Babrujsku zabili dźviuch žančyn. Jany patelefanavali ŭ milicyju, ale vyratavać ich nie paśpieli
Padazravany ŭ žorstkim zabojstvie dźviuch žančyn u Babrujsku — chto jon. FOTY
Dziaŭčat u Babrujsku zabili nažom i małatkom — stali viadomyja padrabiaznaści lutaha zabojstva
«Ja ŭsia ŭ kryvi! Jon ź siakieraj irviecca ŭ vannuju!» U sudzie ahučyli rasšyfroŭku zvanka ŭ milicyju zabitych u Babrujsku dziaŭčat
